Nau Mprơ Ơm 149 - Nau Brah Ndu Ngơi 2023

Tâm rnê Brah Yêhôva đah nau mprơ mhe

¹ Halêluya! Mprơ hom ma Brah Yêhôva du nau mprơ mhe! Tâm rnê hom ma Păng, tâm nau tâm rƀŭn phung kloh ueh Păng.

² Ăn phung Israel răm maak tâm Nơm rhăk njêng jêh khân păng; Ăn phung kon ƀon Siôn răm maak tâm Hađăch khân păng.

³ Ăn khân păng tâm rnê ma amoh Brah Yêhôva ma nau pâl ntalơ̆, Dŏng gâr jê̆ jêh ri ma gong rêng nhhơr ma Păng!

⁴ Yorlah Brah Yêhôva geh nau maak tâm phung ƀon lan Păng; Păng sŏk nau tâm rklaih nkrơ̆ ma phung dêh rhêt.

⁵ Ăn phung kloh ueh Păng maak tâm nau chrêk rmah, Ăn khân păng mprơ maak ta sưng bê̆ch khân păng!

⁶ Ăn hom nau tâm rnê ma Brah Ndu tâm trôm mbung khân păng, Đao gưm bar măt gŭ tâm ti khân păng

⁷ Gay plơng bôk ma phung mpôl băl, Tâm rmal phung ƀon lan,

⁸ Gay chăp phung hađăch khân păng ma rse rvăk Jêh ri nkông phung ndrŏng khân păng ma loih.

⁹ Gay ƀư ma khân păng nau phat dôih bu nchih jêh. Nĕ jêng nau chrêk rmah phung kloh ueh! Halêluya!