Nau Mprơ Ơm 141 - Nau Brah Ndu Ngơi 2023

Dăn Brah Ndu mât mray bơh nau mhĭk

Nau Mprơ Ơm Y-Đavit

¹ Ơ Brah Yêhôva, Gâp kuăl mbơh sơm jêh ma May văch gơnh dăch gâp. Rkêng hom tôr ma bâr gâp, tơlah gâp kuăl mbơh sơm ma May.

² Ăn nau gâp mbơh sơm jêng nâm bu ndơ ƀâu kah nhhơr tanăp May, Jêh ri ti gâp yơr nâm bu ndơ ƀư brah mhaơ!

³ Ơ Brah Yêhôva, dăn mât mơh trôm mbung gâp Jêh ri njrăng ma trô yoi gâp, tơlah păng hă.

⁴ Lơi ăn nuih n'hâm gâp rle mpeh ma nau mhĭk ôh Gay ƀư nau djơh mhĭk ndrel phung ƀai; Jêh ri lơi ăn gâp sa ndơ kah khân păng.

⁵ Ăn nơm sŏng srăng lơh gâp yor nuih n'hâm ueh, Jêh ri nau nduyh nkra khân păng jêng nâm bu dak ngi dŭt ueh ta klơ bôk gâp, Bôk gâp mâu mra dun ma nau nây ôh. Ƀiălah tâm nôk phung mhĭk ƀư nau ƀai, gâp ăt mbơh sơm ƀaƀơ.

⁶ Dôl bu klŭp phung kôranh phat dôih khân păng jŭr ta keng lŭ; Khân păng mra rbăng nau gâp ngơi jêng di.

⁷ Khân păng lah: “Nting hên bu srih ta mpông ƀon phung khĭt. Tâm ban ma bu chuar rli neh.”

⁸ Ơ Yêhôva Kôranh Brah! Măt gâp kâp gân May, Gâp nde krap tâm May; lơi chalơi huêng gâp gŭ êng ôh.

⁹ Dăn May mât mray gâp bơh dăk khân păng sân gâp Jêh ri rklaih bơh nhuăl phung ƀư mhĭk.

¹⁰ Ăn phung ƀai prah tâm nhuăl khân păng hŏ nthăng Bi gâp dơi klaih jêh.