Nau Mprơ Ơm 14 - Nau Brah Ndu Ngơi 2023

Nau rluk jêh ri nau djơh mhĭk phung kon bunuyh

Nau Mprơ Ơm Y-Đavit, ƀư nchih ma nơm gai mprơ

¹ Bunuyh rluk lah tâm nuih n'hâm pô aơ: “Mâu geh Brah Ndu ôh.” Khân păng rai yot da dê, ƀư lĕ kan ƀơ̆ ƀơch; Mâu geh du huê ƀư nau ueh ôh.

² Brah Yêhôva klơ trôk uănh ma phung kon bunuyh Gay uănh nơm geh nau blau mĭn, Tĭng joi Brah Ndu lĕ.

³ Lĕ rngôch vĭ nhhơt da dê; jêng ndrel tâm nau rai yot; Mâu geh du huê bunuyh ƀư nau ueh ôh, Nđâp tơlah du huê mâu geh lĕ.

⁴ Di lĕ rngôch phung djơh mhĭk mâu gĭt rbăng da dê? Khân păng sa rvăn phung ƀon lan Gâp tâm ban ma sa ƀănh, Jêh ri mâu mâp kuăl mbơh sơm ma Brah Yêhôva.

⁵ Ta nây, khân păng geh nau klach krit hâu ngăn, Yorlah Brah Ndu koh dŏng noi deh bunuyh sŏng srăng.

⁶ Phung mhĭk khân may ƀư rai lơi nau nchră ƀư phung o ach, Ƀiălah Brah Yêhôva jêng ntŭk khân păng gŭ krap.

⁷ Ơ, dăn Kôranh Brah văch tă bơh Siôn tâm rklaih phung Israel! Tơlah Brah Yêhôva djôt leo phung ƀon lan Păng plơ̆ sĭt tă bơh n'gor ƀư bu nă, Pôri Yakôb mra hâk maak jêh ri phung Israel răm rhơn!