Nau Mprơ Ơm 138 - Nau Brah Ndu Ngơi 2023

Tâm rnê lah ueh ma nuih n'hâm ueh jêh ri nau răp jăp Brah Ndu

Nau Mprơ Ơm Y-Đavit

¹ Gâp mra tâm rnê lah ueh ma May ma lĕ nuih n'hâm, Mprơ nau tâm rnê ma May tanăp phung brah.

² Gâp mra yơk mbah mpeh ma ngih brah kloh ueh May, Lah ueh ma amoh May yor nuih n'hâm ueh jêh ri nau răp jăp May. Yorlah Kôranh Brah hŏ ƀư ma nau May ngơi jêh ri amoh May Dơi geh nau yơk lơn đah lĕ rngôch.

³ Tâm nar gâp kuăl mbơh sơm ma May, May hŏ plơ̆ lah jêh ma gâp, Ăn gâp geh nau nănh jêh ri dăng ktang.

⁴ Ơ Brah Yêhôva, lĕ rngôch phung hađăch ta neh ntu mra tâm rnê ma May, Yorlah khân păng tăng jêh nau ngơi bơh bâr mbung May.

⁵ Nanê̆, khân păng mra tâm rnê ma trong Brah Yêhôva, Yorlah nau chrêk rmah Brah Yêhôva jêng dŭt toyh.

⁶ Nđâp tơlah Brah Yêhôva jêng dŭt prêh, ăt Păng treng uănh ma phung jê̆ janh; Ƀiălah ntơm bơh ngai, Păng gĭt năl jêh phung sưr.

⁷ Nđâp tơlah gâp hăn tâm nklang nau uh ah, May ăt mât mray nau rêh gâp; May mra yơr ti May tâm rdâng ma nau phung rlăng ji nuih gâp, Jêh ri ti ma May tâm rklaih gâp.

⁸ Brah Yêhôva mra ƀư lôch jêh lĕ rngôch nau kan gâp. Ơ Brah Yêhôva, nuih n'hâm ueh May hôm tât ƀaƀơ n'ho ro; Lơi chalơi ôh nau kan ti May nơm ƀư jêh!