Nau Mprơ Ơm 128 - Nau Brah Ndu Ngơi 2023

Nau ueh uĭn ma phung klach yơk Brah Yêhôva

Nau mprơ hăn hao tưng gưl

¹ Ueh maak yơh ma mbu nơm klach yơk ma Brah Yêhôva, Hăn tâm trong păng!

² Yorlah may mra sa play bơh kan ti may ƀư, Geh nau ueh maak jêh ri geh nau ƀŭn lap.

³ Ur may gŭ tâm ngih may Mra jêng nâm bu du tơm krăk ƀâu play âk; Phung oh kon may gŭ jŭm sưng sông sa Nâm bu lĕ nkeh nse tơm ôlive.

⁴ Tâm ban pônây lĕ nơm klach yơk ma Brah Yêhôva Mra geh nau ueh uĭn.

⁵ Dăn Brah Yêhôva tă bơh Siôn ăn nau ueh uĭn ma may; Ăn lôch nau rêh păng Dơi saơ nau ndrŏng ma ƀon Yêrusalem.

⁶ Ăn may mra dơi saơ phung kon sau may nơm! Ăn nau đăp mpăn jŭr ta phung Israel!