Nau Mprơ Ơm 127 - Nau Brah Ndu Ngơi 2023

Nau geh jêng luh bơh Brah Yêhôva

Nau mprơ hăn hao tưng gưl. Nau Mprơ Ơm Y-Salômôn

¹ Tơlah Brah Yêhôva mâu rdâk ngih Phung rdâk pah kan dơm dam. Tơlah Brah Yêhôva mâu gak njrăng ƀon, Pôri nơm tahan gak rngeh lĕ măng jêng dơm dam .

² Dơm dam ngăn yơh ma nơm rngeh măng dâk ơm, Jêh ri sa ƀănh hŏt rgănh. Tâm ban lĕ Brah Ndu ăn đŏng nau hăk bê̆ch. Ma phung Păng rŏng nâm bu pônây.

³ Aơ, phung kon jêng drăp ndơn bơh Brah Yêhôva; Kao play bơh ndŭl proch jêng nau nkhôm.

⁴ Oh kon bu deh dôl hôm mom ndăm Tâm ban ma hăr tâm ti du huê tahan janh ktang.

⁵ Ueh maak yơh ma nơm geh jêh hăr bêng dĭng! Păng mâu mra bêk ôh Lah ngơi đah phung rlăng păng ta mpông ƀon.