Nau Mprơ Ơm 125 - Nau Brah Ndu Ngơi 2023

Brah Yêhôva king n'gang phung ƀon lan Păng

Nau mprơ hăn hao tưng gưl

¹ Phung rnơm nsing ma Brah Yêhôva jêng nâm bu yôk Siôn, Mâu n'gơ n'găr ôh ƀiălah gŭ n'ho ro.

² Nâm bu phung yôk gŭ jŭm ƀon Yêrusalem Pônây lĕ Brah Yêhôva gŭ jŭm phung ƀon lan Păng. Ntơm bơh aƀaơ kŏ tât n'ho ro.

³ Yorlah mâng hađăch nau ƀai Mâu mra gŭ n'gân ôh ta klơ drăp ndơn phung sŏng srăng, Gay ma phung sŏng srăng mâu yơr ti Lăp pah kan nau mhĭk.

⁴ Ơ Brah Yêhôva, ƀư ueh hom ma phung ueh, Jêh ri ma phung geh nuih n'hâm sŏng.

⁵ Bi ma phung ŭch tĭng ndô̆ nau kue, Brah Yêhôva mra mprơh khân păng ndrel ma phung ƀư mhĭk. Ăn nau đăp mpăn gŭ ta phung Israel!