Nau Mprơ Ơm 122 - Nau Brah Ndu Ngơi 2023

Dăn Brah Ndu ăn nau ueh uĭn ma ƀon Yêrusalem

Nau mprơ hăn hao tưng gưl

¹ Gâp maak tơlah bu lah ma gâp pô aơ: “Hăn hom he ta ngih Brah Yêhôva.”

² Ơ ƀon Yêrusalem, jâng he dôl dâk Tâm lĕ mpông pêr may.

³ Yêrusalem jêng ƀon toyh hŏ ndâk dŭt nâp ngăn Mpêr ƀon tâm krêp dơi nâp.

⁴ Lĕ mpôl băl Brah Yêhôva hăn hao ta nây, Tĭng nâm nau ntĭnh ma phung Israel Gay tâm rnê ăn ma amoh Brah Yêhôva.

⁵ Yorlah ta nây bu ndâk lĕ sưng hađăch phat dôih Jêng lĕ sưng hađăch ngih Đavit.

⁶ Mbơh sơm hom ma nau đăp mpăn ƀon Yêrusalem; Ăn phung rŏng ma may geh nau chăt jêng.

⁷ Ăn nau đăp mpăn gŭ ta mpêr ƀon, Jêh ri nau chăt jêng tâm phung ngih hađăch may!

⁸ Yorlah phung oh nâu gâp jêh ri phung mĭt jiăng gâp, Gâp lah pô aơ: “Ăn nau đăp mpăn gŭ ta nklang may!”

⁹ Yor ngih Yêhôva Brah Ndu he, Gâp mra kuăl dăn nau ueh maak ăn ma may.