Nau Mprơ Ơm 121 - Nau Brah Ndu Ngơi 2023

Brah Yêhôva king n'gang phung ƀon lan Păng

Nau mprơ hăn hao tưng gưl

¹ Gâp n'gơr măt mpeh klơ yôk: Nau kơl gâp ntŭk tă?

² Nau kơl gâp luh bơh Brah Yêhôva; Jêng Nơm rhăk njêng trôk jêh ri neh ntu.

³ Păng mâu mra ăn jâng may prah mbĭr; Nơm mât mray may mâu bê̆ch ôh.

⁴ Nơm mât mray Israel, Mâu nhêp măt jêh ri mâu đŏng bê̆ch.

⁵ Brah Yêhôva jêng nơm mât mray may; Brah Yêhôva jêng gui nkŭm pa ma may.

⁶ Nar mâu mra ƀư mhĭk ma may ôh dôl nar, Khay mâu lĕ ƀư mhĭk ma may dôl măng.

⁷ Brah Yêhôva mra mât mray may bơh lĕ rngôch nau mhĭk. Păng mra mât mray nau rêh may.

⁸ Brah Yêhôva mra mât mray may Dôl luh dôl lăp, Ntơm bơh aƀaơ kŏ tât n'ho ro.