Nau Mprơ Ơm 12 - Nau Brah Ndu Ngơi 2023

Brah Ndu tâm rklaih tă bơh phung djơh mhĭk

Nau Mprơ Ơm Y-Đavit, ƀư nchih ma nơm gai mprơ, tĭng bâr râm

¹ Hơi Brah Yêhôva! Dăn rklaih hên yorlah bunuyh klach yơk mâu hôm geh đŏng ôh, Bunuyh răp jăp hŏ du roh jêh ta bơh phung kon bunuyh.

² Khân păng dŏng nau ngơi mƀruh gay nkoch bri ndrăng khân păng nơm, Sŏk bâr mbung ngơi lĕ nau nklă ƀiălah nuih n'hâm ma nau mƀruh ndơm.

³ Brah Yêhôva mra ƀư rai lĕ rngôch bâr mbung ngơi nklă Jêh ri mpiăt ngơi sưr rlau ir

⁴ Ma phung lah pô aơ: “He mra dơi yor ma mpiăt he nơm; Bâr mbung he jêng ndơ he; mbu nơm jêng kôranh he?”

⁵ Yorlah bu tŭn jot phung rêh ni jêh ri phung pưt kƀah rđêng nđor, Yor ri Brah Yêhôva lah: “Aƀaơ Gâp mra dâk, Dơm khân păng ta ntŭk đăp mpăn ntŭk khân păng gŭ kâp.”

⁶ Nau Brah Yêhôva ton jêng nau ngơi kloh, Nâm bu prăk bu hŏ rlong jêh tâm ŭnh năk ma neh bŏk, Ƀư kloh tât pơh tơ̆.

⁷ Ơ Brah Yêhôva, May nơm yơh mra chiă uănh phung rêh ni; May king n'gang khân păng tă bơh rnôk aơ.

⁸ Phung mhĭk hăn nsong blă blơ lam ntŭk, Tơlah nau rai yot dơi yơk ta nklang kon bunuyh.