Nau Mprơ Ơm 116 - Nau Brah Ndu Ngơi 2023

Tâm rnê lah ueh Brah Ndu hŏ rklaih gâp bơh nau khĭt

¹ Gâp rŏng ma Brah Yêhôva Yorlah Păng iăt bâr gâp jêh ri nau gâp vơh vơl.

² Gâp mra kuăl mbơh sơm ma Păng lôch nau rêh gâp Yorlah Păng rkêng jêh tôr Păng ma gâp.

³ Rse nau khĭt vân jŭm gâp, Nau ji ƀon phung khĭt kuăn rdâng jêh gâp, Gâp mâp nau uh ah jêh ri nau rngot klâng.

⁴ Dôl nây gâp kuăl mbơh sơm jêh ma amoh Brah Yêhôva: “Ơ Brah Yêhôva! Gâp vơh vơl ma May tâm rklaih huêng gâp.”

⁵ Brah Yêhôva vay ƀư ueh jêh ri jêng sŏng srăng; Brah Ndu he geh nuih n'hâm yô̆ nđach.

⁶ Brah Yêhôva king n'gang phung tông bâr; Nôk gâp rêh ni, Păng rklaih jêh gâp.

⁷ Ơ huêng gâp, lŏ sĭt hom ma ntŭk may rlu, Yorlah Brah Yêhôva ƀư ueh ma may rmeh ler.

⁸ May rklaih jêh huêng gâp bơh nau khĭt, Măt gâp bơh nau nhĭm, Jêh ri jâng gâp bơh nau chêh prah.

⁹ Gâp mra hăn tanăp măt Brah Yêhôva Ta neh phung rêh.

¹⁰ Gâp nâp nau chroh nđâp lah gâp ngơi: “Gâp jêng rêh ni ngăn.”

¹¹ Tâm nau uh ah, gâp lah pô aơ: “Lĕ rngôch bunuyh jêng mƀruh da dê.”

¹² Moh gâp mra mplơ̆ ma Brah Yêhôva Yor lĕ nau ueh Păng ƀư jêh ma gâp?

¹³ Gâp mra sŏk kachok nau tâm rklaih Jêh ri kuăl mbơh sơm ma amoh Brah Yêhôva.

¹⁴ Gâp mra tâm lĕ nau gâp ton ma Brah Yêhôva, Tanăp lĕ rngôch phung ƀon lan Păng.

¹⁵ Nau khĭt phung kloh ueh Jêng khlay ngăn tanăp măt Brah Yêhôva.

¹⁶ Ơ Brah Yêhôva, gâp jêng oh mon May; Nanê̆ gâp jêng oh mon May, kon bu klâu oh mon bu ur May; May doh jêh loih nkông gâp.

¹⁷ Gâp mra nhhơr ma May ndơ nhhơr tâm rnê May. Jêh ri gâp mra kuăl mbơh sơm ma amoh Brah Yêhôva.

¹⁸ Gâp mra ƀư rĭng lĕ nau gâp ton ma Brah Yêhôva, Tanăp lĕ rngôch phung ƀon lan Păng,

¹⁹ Tâm nkual nhuang ngih Brah Yêhôva, Ta nklang ƀon Yêrusalem! Halêluya!