Nau Mprơ Ơm 114 - Nau Brah Ndu Ngơi 2023

Tâm rnê Brah Ndu rklaih phung Israel bơh bri Êjipt

¹ Lah Israel du luh tă bơh bri Êjipt, Ngih Yakôb chalơi du phung mpôl băl ngơi nau bu năch,

² Yuđa jêng ngih kloh ueh Păng Jêh ri Israel jêng ƀon bri hađăch Păng chiă uănh.

³ Dak Mƀŭt saơ nau nây jêh ri nchuăt du; Dak krong Yurdan hoch rlơ̆;

⁴ Yôk nsăt nâm bu biăp nkuăng; Dor yôk nsăt ngăch nâm bu kon biăp.

⁵ Ơ dak rlai, mâm ƀư may nchuăt du? Ơ dak krong Yurdan, mâm ƀư may hoch rlơ̆?

⁶ Ơ yôk, mâm ƀư may nsăt nâm bu biăp nkuăng? Ơ dor yôk, mâm ƀư may nsăt nâm bu kon biăp?

⁷ Ơ neh ntu, râm sâr hom tanăp Kôranh Brah, Tanăp Brah Ndu Yakôb,

⁸ Nơm tâm rgâl lŭ klêr jêng dak nglau, Rgâl lŭ kranh jêng tu dak.