Nau Mprơ Ơm 113 - Nau Brah Ndu Ngơi 2023

Tâm rnê ma nau Brah Yêhôva yô̆ nđach

¹ Halêluya! Ơ phung oh mon Brah Yêhôva, tâm rnê hom ma amoh Păng! Tâm rnê hom ma amoh Brah Yêhôva.

² Mât ton hom ma amoh Brah Yêhôva. Ntơm bơh aƀaơ tât n'ho ro!

³ Bơh ntŭk nar luh tât ta nar nhâp, Tâm rnê hom ma amoh Brah Yêhôva!

⁴ Lĕ bri dak bu mra n'hao ma Brah Yêhôva. Nau chrêk rmah Păng prêh lơn ma lĕ ndâr trôk.

⁵ Mbu nơm jêng tâm ban Yêhôva Brah Ndu he? Nơm gŭ tâm ntŭk klơ lơn,

⁶ Păng kŭnh Gay mêt uănh trôk jêh ri neh ntu.

⁷ Păng rdâk nhhơk nơm rêh ni bơh neh muy, Mphâk nơm o ach du bơh mbŭch njŏk,

⁸ N'gân păng gŭ ndrel phung kon hađăch, Jêng ndrel phung kon hađăch tâm ƀon lan păng.

⁹ Păng ăn bu ur mâu bă kon Jêng dơi ƀư mê̆ maak ta nklang phung kon tâm ngih păng! Halêluya!