Nau Mprơ Ơm 112 - Nau Brah Ndu Ngơi 2023

Nau ueh maak ma nơm klach yơk Brah Yêhôva

¹ Halêluya! Ueh maak yơh nơm klach yơk ma Brah Yêhôva, Lĕ nuih n'hâm rŏng ngăn ma nau Păng ntăm!

² Phung kon sau păng mra geh jêng ta neh; Noi deh phung bunuyh sŏng mra geh nau ueh maak.

³ Drăp ndơ jêh ri nau ndrŏng gŭ tâm ngih păng, Jêh ri nau sŏng srăng păng hôm gŭ ƀaƀơ.

⁴ Nau ang sol tâm nau ngo ma nơm sŏng, Jêng nơm hô ƀư nau ueh, geh nuih n'hâm yô̆ nđach jêh ri sŏng srăng.

⁵ Ueh maak yơh ma nơm geh nuih n'hâm lŏng, ăn bu chan Jêh ri ƀĭt gai lĕ nau kan tâm nau sŏng.

⁶ Bunuyh sŏng srăng mâu mra n'gơ n'găr ôh, Nau kah gĭt ndray păng hôm tât n'ho ro.

⁷ Păng mâu klach ôh lĕ nau lư mhĭk; Nuih n'hâm păng nâp, rnơm nsing ma Brah Yêhôva.

⁸ Nuih n'hâm păng jêng nâp mâu mâp klach ôh, Kŏ tât păng saơ lĕ phung rlăng ma păng roh rai.

⁹ Păng nsrih prăk, ăn ma phung o ach, Nau sŏng srăng păng hôm gŭ n'ho ro, Nke nơm nây mra dơi n'gơr hao klơ tâm nau chrêk rmah.

¹⁰ Bunuyh ƀai saơ nau nây jêh ri ji nuih, Rket sêk jêh ri roh rai; Nau phung ƀai ŭch mra rai lôch.