Nau Mprơ Ơm 111 - Nau Brah Ndu Ngơi 2023

Tâm rnê ma Brah Yêhôva yor kan Păng khlay ngăn

¹ Halêluya! Gâp mra tâm rnê ma Brah Yêhôva, ma lĕ nuih n'hâm, Tâm phung sŏng jêh ri ta klang phung tâm rƀŭn.

² Kan Brah Yêhôva jêng dŭt toyh ngăn; Lĕ rngôch phung rŏng ma păng tĭng joi kan nây.

³ Kan Păng bêng nau chrêk rmah jêh ri nau rnam; Nau sŏng srăng Păng hôm gŭ n'ho ro.

⁴ Păng ăn bu kah gĭt tay ma kan khlay Păng ƀư jêh. Brah Yêhôva vay ƀư ueh jêh ri bêng nuih n'hâm yô̆ nđach.

⁵ Păng ăn ndơ sông sa ma phung klach yơk Păng, Jêh ri kah gĭt nau Păng tâm rnglăp mro mrăng.

⁶ Păng hŏ tâm mpơl jêh ma phung ƀon lan Păng nau brah tâm kan Păng, Jêh ri ăn ma khân păng drăp ndơn bơh lĕ bri dak.

⁷ Kan ti Păng jêng nau răp jăp jêh ri nau sŏng srăng; Lĕ nau vay bơh ntăm Păng khư rnơm ngăn,

⁸ Dơi ndâk nâp n'ho ro dŭt ngăn Jêh ri ƀư tâm nau răp jăp jêh ri nau sŏng.

⁹ Păng hŏ rklaih jêh phung ƀon lan Păng, Jêh ri ntăm gay ndâk nau tâm rnglăp gŭ n'ho ro. Amoh Păng kloh ueh jêh ri khư klach.

¹⁰ Klach yơk ma Brah Yêhôva jêng tơm ma nau blau mĭn; Mbu nơm tĭng ndô̆ nau Păng ntăm, geh nau gĭt rbăng. Nau tâm rnê ma Păng hôm ƀaƀơ n'ho ro.