Nau Mprơ Ơm 110 - Nau Brah Ndu Ngơi 2023

Brah Yêhôva ăn hađăch nau dơi chiă uănh

Nau Mprơ Ơm Y-Đavit

¹ Brah Yêhôva ngơi ma Kôranh Brah gâp pô aơ: “Gŭ hom pa ma Gâp. Kŏ tât Gâp ăn phung rlăng đah May jêng rnơl chrong jâng May.”

² Bơh ƀon Siôn, Brah Yêhôva mra pơk huy Kôranh Brah May. Chiă uănh hom ta klơ phung rlăng May.

³ Tâm nar Brah Ndu mpơl nau dăng ktang, Phung ƀon lan May mra ŭch nhhơr khân păng nơm ma May; Phung bu klâu ndăm ndơ nsoh kloh ueh hăn tĭng May, Chrêk rêp ƀlêp nâm bu truh dak ngom ơm ôi

⁴ Brah Yêhôva sân săk jêh, Păng mâu tâm rgâl nau mĭn ôh: “May jêng du huê kôranh ƀư brah gŭ n'ho ro tĭng mpôl Mêlkisedek.”

⁵ Kôranh Brah gŭ pa ma Brah Ndu Mra jot hăch phung hađăch ta nar Păng ji nuih.

⁶ Păng mra phat dôih lĕ bri dak, Ƀư lam ntŭk bêng ma săk jăn bunuyh khĭt; Păng mra jot hăch Lĕ phung mât bôk tâm ăp n'gor bri.

⁷ Hađăch mra nhêt dak n'hor ta pĭt trong; Yor nây, hađăch n'gơr prêh bôk ma nau dơi.