Nau Mprơ Ơm 11 - Nau Brah Ndu Ngơi 2023

Brah Yêhôva jêng ntŭk nde krap

Nau Mprơ Ơm Y-Đavit, ƀư nchih ma nơm gai mprơ

¹ Gâp gŭ krap săk jăn ntŭk Brah Yêhôva. Mâm ƀư khân may nănh ntĭm gâp: “Hăn du hom, nâm bu sĭm mpăr sĭt tâm yôk?

² Yorlah phung ƀai van na, Dăp hăr ta rse, Gay tă bơh tâm ntŭk ngo pănh bunuyh geh nuih n'hâm sŏng.

³ Tơlah lĕ mbon rlâm jêh, Mâm bunuyh sŏng srăng mra ƀư?”

⁴ Brah Yêhôva gŭ tâm ngih brah kloh ueh Păng; Sưng hađăch Păng gŭ tâm trôk. Măt Păng uănh, Sâng măt Păng sek uănh phung kon bunuyh.

⁵ Brah Yêhôva sek uănh phung sŏng srăng nđâp ma phung djơh mhĭk, Jêh ri nuih n'hâm Păng tâm rmot ma phung ŭch ƀư nau janh ktang.

⁶ Păng mra nkhŭt dak mih nau mhĭk tât ta klơ phung ƀai: Ŭnh hit, lŭ mô ŭnh jêh ri sial duh Mra jêng kachok prăp êng ma khân păng.

⁷ Yorlah Brah Yêhôva jêng sŏng srăng, Păng rŏng ma nau di, Phung bunuyh sŏng mra saơ muh măt Păng.