Nau Mprơ Ơm 101 - Nau Brah Ndu Ngơi 2023

Nơm nchih mĭn ntrâng ƀư tĭng trong nŭm rĭng

Nau Mprơ Ơm Y-Đavit

¹ Gâp mra mprơ ma nau ueh jêh ri nau sŏng srăng May; Ơ Brah Yêhôva, gâp mra mprơ tâm rnê May.

² Gâp mra gŭ rêh ma nau blau mĭn tĭng trong nŭm rĭng; Ndah jŏ May mra văch ma gâp? Gâp mra sŏk nuih n'hâm nanê̆ Gay ma gŭ tâm ngih gâp.

³ Gâp mâu mra dơm du ntil ndơ djơh mhĭk ôh tanăp măt gâp; Gâp tâm rmot ma kan phung mâu răp jăp, Khân păng mâu mra krêp ôh tât ma gâp.

⁴ Nuih n'hâm mƀruh nchơt mra du ngai đah gâp; Gâp mâu mra gĭt tât ma nau mhĭk ôh.

⁵ Nơm ndâp mpôn ngơi djơh ma phung chiau meng păng, Gâp mra mƀăr lơi. Bi ma phung geh măt n'hao êng nơm jêh ri nuih n'hâm sưr, Gâp mâu mra yô̆ ôh.

⁶ Măt gâp mra joi phung răp jăp tâm n'gor, Jêh ri ăn khân păng gŭ ndrel ma gâp; Mbu nơm hăn tĭng trong nŭm rĭng Mra pah kan gâp.

⁷ Nơm mƀruh ndơm mâu mra dơi gŭ tâm ngih gâp; Phung mƀruh nchơt mâu mra dơi gŭ ôh tanăp măt gâp.

⁸ Ăp ôi, gâp mra ƀư rai Lĕ rngôch phung ƀai tâm n'gor, Mprơh lĕ rngôch phung mhĭk Bơh ƀon Brah Yêhôva.