I Nau Rêh Jêng 7 - Nau Brah Ndu Ngơi 2023

Noi deh Isakar

¹ Phung kon Isakar jêng: Y-Tôla, Y-Dua, Y-Jasup, jêh ri Y-Simrôn; lĕ rngôch jêng puăn nuyh.

² Phung kon Y-Tôla jêng: Y-Usi, Y-Rêphaya, Y-Jêriêl, Y-Jahmai, Y-Ipsam, jêh ri Y-Samuel. Khân păng jêng phung kôranh tâm noi deh Tôla, jêh ri khân păng jêng phung tahan janh ktang tâm noi deh khân păng. Tâm rnôk hađăch Đavit, rnoh kơp phung kon sau khân păng jêng bar rmưn bar rbăn prao rhiăng nuyh.

³ Kon Y-Usi jêng Y-Israhia. Phung kon Y-Israhia jêng Y-Mikel, Y-Ôbadia, Y-Yôel, jêh ri Y-Isiya; lĕ rngôch khân păng prăm nuyh jêng kôranh tâm noi deh da dê.

⁴ Tĭng nâm ndŭl mpôl, khân păng geh lĕ rngôch pe rmưn prao rbăn nuyh tahan ndrăp jêh ma nau tâm lơh, yorlah khân păng geh âk ur, âk kon.

⁵ Phung oh nâu khân păng tâm lĕ rngôch ndŭl mpôl tâm ndŭl mpôl Isakar jêng phung tahan janh ktang, geh pham rmưn pơh rbăn nuyh tahan.

Noi deh Benjamin

⁶ Phung kon Benjamin jêng Y-Bêla, Y-Bêker, jêh ri Y-Jêdiaêl; lĕ rngôch jêng pe nuyh.

⁷ Phung kon Y-Bêla jêng Y-Êsbôn, Y-Usi, Y-Usiêl, Y-Jêrimôt, jêh ri Y-Jri; lĕ rngôch jêng prăm nuyh, khân păng jêng kôranh tâm noi deh da dê jêh ri jêng phung tahan janh ktang. Tĭng nâm ndŭl mpôl, lĕ rngôch phung kon sau khân păng geh bar rmưn bar rbăn pe jât ma puăn nuyh.

⁸ Phung kon Y-Bêker jêng Y-Sêmira, Y-Jôas, Y-Êliêser, Y-Êliôênai, Y-Ômri, Y-Jêrêmôt, Y-Abija, Y-Anathôt, jêh ri Y-Alêmet. Lĕ rngôch phung nây jêng kon bu klâu Y-Bêker,

⁹ khân păng jêng kôranh tâm noi deh da dê jêh ri jêng phung tahan janh ktang. Tĭng nâm noi deh lĕ rngôch phung kon sau geh bar rmưn bar rhiăng nuyh.

¹⁰ Kon Y-Jêdiaêl jêng Y-Bilhan; phung kon Y-Bilhan jêng Y-Jêush, Y-Benjamin, Y-Êhut, Y-Kênana, Y-Sêthan, Y-Tarsis, jêh ri Y-Ahisahar.

¹¹ Lĕ rngôch phung nây jêng phung kon sau Y-Jêdiaêl; khân păng jêng kôranh tâm noi deh da dê jêh ri jêng phung tahan janh ktang. Lĕ rngôch phung kon sau khân păng ndrăp jêh hăn nau tâm lơh jêng du rmưn pơh rbăn bar rhiăng nuyh.

¹² Rlau ma nây geh Y-Supim jêh ri Y-Hupim jêng kon Y-Ir; Y-Husim jêng kon Y-Aher.

Noi deh Y-Naptali, Y-Manasê, Y-Êphraim, jêh ri Y-Aser

¹³ Phung kon Y-Naptali jêng Y-Jahsiêl, Y-Guni, Y-Jêser, jêh ri Y-Salum; khân păng jêng phung kon sau H'Bilha.

Noi deh Y-Manasê

¹⁴ Kon Y-Manasê jêng Y-Asriêl, bơh ur yông păng du huê bu ur Aram deh ăn păng; păng deh ma Y-Makir jêng mbơ̆ Y-Gilêat.

¹⁵ Y-Makir joi ur ma Y-Hupim jêh ri Y-Supim. Amoh oh bu ur păng jêng H'Maka. Amoh kon rơh bar jêng Y-Sêlôpêhat; Y-Sêlôpêhat geh knŏng phung kon bu ur.

¹⁶ H'Maka, ur Y-Makir, deh ma du huê kon bu klâu, păng ntơ amoh păng Y-Pêres; amoh oh păng jêng Y-Sêres. Y-Sêres jêng mbơ̆ Y-Ulam jêh ri Y-Rêkem.

¹⁷ Kon Y-Ulam jêng Y-Bêdan. Aơ jêng phung kon sau Y-Gilêat, kon Y-Makir, sau Y-Manasê.

¹⁸ Oh bu ur Y-Gilêat jêh ri H'Hamôleket deh ma Y-Isôt, Y-Abiêser, jêh ri Y-Mahla.

¹⁹ Phung kon Y-Sêmida jêng Y-Ahian, Y-Sichem, Y-Likhi, jêh ri Y-Aniam.

Noi deh Y-Êphraim

²⁰ Phung kon Y-Êphraim jêng Y-Suthêla; kon Y-Suthêla jêng Y-Bêret, kon Y-Bêret jêng Y-Tahat, kon Y-Tahat jêng Y-Êlêada, kon Y-Êlêada jêng Y-Tahat,

²¹ kon Y-Tahat jêng Y-Saƀat, kon Y-Saƀat jêng Y-Suthêla, Y-Êser, jêh ri Y-Êlêat; phung gŭ tâm neh Gat nkhĭt khân păng, yorlah khân păng trŭnh ta neh Gat gay ntŭng mpô mpa phung Gat rong ta nây.

²² Y-Êphraim, mbơ̆ khân păng, nđom klâng rngot jŏ nar, jêh ri phung oh nâu păng văch bonh leng păng.

²³ Pônây, Y-Êphraim lăp gŭ đah ur păng. Păng ntreo jêh nây deh ma du huê kon bu klâu, ntơ amoh păng Y-Bêria, yorlah nau mhĭk tât jêh ma ngih păng.

²⁴ Kon bu ur păng jêng H'Sêra; nơm ndâk jêh ƀon Bet-Hôron Pa Lơ, Bet-Hôron Tâm Dâng, jêh ri ƀon Usen-Sêra.

²⁵ Păng geh du huê kon đŏng jêng Y-Rêpha; Y-Rêpha jêng mbơ̆ Y-Rêsep jêh ri Y-Têla; Y-Têla jêng mbơ̆ Y-Tahan;

²⁶ Y-Tahan jêng mbơ̆ Y-Ladan; Y-Ladan jêng mbơ̆ Y-Amihut; Y-Amihut jêng mbơ̆ Y-Êlisama;

²⁷ Y-Êlisama jêng mbơ̆ Y-Nun; jêh ri Y-Nun jêng mbơ̆ Y-Yôsuê.

²⁸ Drăp ndơn jêh ri ntŭk gŭ khân păng jêng ƀon Bêthel jêh ri jŭm lĕ ƀon jê̆; mpeh luh nar geh ƀon Naaran, jêh ri mpeh nhâp nar geh ƀon Gêser jêh ri jŭm lĕ ƀon jê̆; geh đŏng Sichem jêh ri jŭm lĕ ƀon jê̆, ma tât Aija jêh ri jŭm lĕ ƀon jê̆.

²⁹ Njŏ tĭng n'har ndŭl mpôl Manasê geh ƀon Bet-Sêan jêh ri jŭm lĕ ƀon jê̆, ƀon Tanak jêh ri jŭm lĕ ƀon jê̆, ƀon Mêgidô jêh ri jŭm lĕ ƀon jê̆, ƀon Dôrơ jêh ri jŭm lĕ ƀon jê̆. Kon sau Y-Yôsep, kon Y-Israel, gŭ njưh ta lĕ ntŭk nây.

Noi deh Y-Aser

³⁰ Phung kon Y-Aser: Y-Imna, Y-Isva, Y-Isvi, Y-Bêria jêh ri oh bu ur khân păng jêng H'Sêra.

³¹ Phung kon Y-Bêria jêng Y-Hêber jêh ri Y-Malkiêl; Y-Malkiêl jêng nơm njêng Birsait.

³² Y-Hêber jêng mbơ̆ Y-Japhlet, Y-Sômer, Y-Hôtham, jêh ri oh bu ur khân păng jêng H'Sua.

³³ Phung kon Y-Japhlet jêng Y-Pasach, Y-Bimhal, jêh ri Y-Asvat. Nây jêng phung kon bu klâu Y-Japhlet.

³⁴ Phung kon Y-Sêmer jêng Y-Ahi, Y-Rohga, Y-Jêhuba, jêh ri Y-Aram.

³⁵ Phung kon Y-Hêlem, oh Y-Sêmer, jêng Y-Sôpha, Y-Imna, Y-Sêles, jêh ri Y-Amal.

³⁶ Phung kon Y-Sôpha jêng Y-Sua, Y-Harnêpher, Y-Sual, Y-Bêri, Y-Imra,

³⁷ Y-Bêser, Y-Hot, Y-Sama, Y-Silsa, Y-Itran, jêh ri Y-Bêra.

³⁸ Phung kon Y-Jêther jêng Y-Jêphunê, Y-Pispa, jêh ri Y-Ara.

³⁹ Phung kon bu klâu Y-Ula jêng Y-Ara, Y-Haniêl, jêh ri Y-Risia.

⁴⁰ Lĕ rngôch phung nây jêng phung kon sau Aser, ƀư kôranh tâm noi deh, jêng phung tahan janh ktang bu hŏ săch jêh, kôranh toyh ma phung kôranh tahan. Tĭng nâm noi deh, rnoh kơp bunuyh ndrăp ma kan tâm lơh jêng bar rmưn prao rbăn nuyh.