I Nau Rêh Jêng 6 - Nau Brah Ndu Ngơi 2023

Noi deh Y-Lêvi

¹ Phung kon Y-Lêvi jêng Y-Gersôn, Y-Kôhat, jêh ri Y-Mêrari.

² Phung kon Y-Kôhat jêng Y-Amram, Y-Ishar, Y-Hêbron, jêh ri Y-Usiêl.

³ Phung kon Y-Amram jêng Y-Arôn, Y-Môis jêh ri H'Miriam. Phung kon Y-Arôn jêng Y-Nadap, Y-Abihu, Y-Êlêasar, jêh ri Y-Ithamar.

⁴ Y-Êlêasar jêng mbơ̆ Y-Phinêas; Y-Phinêas jêng mbơ̆ Y-Abisua;

⁵ Y-Abisua jêng mbơ̆ Y-Buki, Y-Buki jêng mbơ̆ Y-Usi,

⁶ Y-Usi jêng mbơ̆ Y-Sêrahia; Y-Sêrahia jêng mbơ̆ Y-Mêraiôt;

⁷ Y-Mêraiôt jêng mbơ̆ Y-Amaria; Y-Amaria jêng mbơ̆ Y-Ahitup;

⁸ Y-Ahitup jêng mbơ̆ Y-Sadôk; Y-Sadôk jêng mbơ̆ Y-Ahimas;

⁹ Y-Ahimas jêng mbơ̆ Y-Asaria; Y-Asaria jêng mbơ̆ Y-Jôhanan;

¹⁰ Y-Jôhanan jêng mbơ̆ Y-Asaria, jêng bunuyh pah kan kôranh ƀư brah tâm ngih brah Y-Salômôn hŏ ndâk tâm ƀon Yêrusalem.

¹¹ Y-Asaria jêng mbơ̆ Y-Amaria; Y-Amaria jêng mbơ̆ Y-Ahitup;

¹² Y-Ahitup jêng mbơ̆ Y-Sadôk; Y-Sadôk jêng mbơ̆ Y-Salum;

¹³ Y-Salum jêng mbơ̆ Y-Hilkia; Y-Hilkia jêng mbơ̆ Y-Asaria;

¹⁴ Y-Asaria jêng mbơ̆ Y-Sêraya; Y-Sêraya jêng mbơ̆ Y-Jêhôsadak;

¹⁵ Y-Jêhôsadak jêng bu nă tơlah Brah Yêhôva dŏng ti Nêbukatnetsar nhŭp phung ta Yuđa jêh ri ta Yêrusalem.

¹⁶ Phung kon Y-Lêvi jêng Y-Gersôm, Y-Kôhat, jêh ri Y-Mêrari.

¹⁷ Aơ jêng amoh phung kon bu klâu Y-Gersôm: Y-Lipni jêh ri Y-Simei.

¹⁸ Phung kon Y-Kôhat jêng Y-Amram, Y-Ishar, Y-Hêbron, jêh ri Y-Usiêl.

¹⁹ Phung kon Y-Mêrari jêng Y-Mahli jêh ri Y-Musi. Nây jêng ndŭl mpôl phung Lêvi tĭng chô yau khân păng.

²⁰ Kon bu klâu Y-Gersôm jêng Y-Lipni; kon Y-Lipni jêng Y-Jahat; kon Y-Jahat jêng Y-Sima; kon Y-Sima jêng Y-Jôa

²¹ kon Y-Jôa jêng Y-Idô; kon Y-Idô jêng Y-Sêra, kon Y-Sêra jêng Y-Jêatêrai.

²² Phung bu klâu Y-Kôhat jêng Y-Aminadap; kon Y-Aminadap jêng Y-Kôra; kon Y-Kôra jêng Y-Asir; kon Y-Asir jêng Y-Êlkana

²³ kon Y-Êlkana jêng Y-Êbiasap; kon Y-Êbiasap jêng Y-Asir;

²⁴ kon Y-Asir jêng Y-Tahat; kon Y-Tahat jêng Y-Uriêl; kon Y-Uriêl jêng Y-Usia; kon Y-Usia jêng Y-Sôl.

²⁵ Phung kon Y-Êlkana jêng Y-Amasai jêh ri Y-Ahimôt.

²⁶ Phung bu klâu Y-Ahimôt jêng Y-Êlkana, Y-Sôphai; Y-Nahat.

²⁷ Kon Y-Nahat jêng Y-Êliap; kon Y-Êliap jêng Y-Jêrôham; kon Y-Jêrôham jêng Y-Êlkana.

²⁸ Phung bu klâu Y-Samuel: Y-Vasêni jêng kon bu klâu bôk rah, Y-Abija jêng kon rơh bar.

²⁹ Phung kon Y-Mêrari jêng Y-Mahli; kon Y-Mahli jêng Y-Lipni; kon Y-Lipni jêng Y-Simei; kon Y-Simei jêng Y-Usa;

³⁰ kon Y-Usa jêng Y-Simêa; kon Y-Simêa jêng Y-Hagia; kon Y-Hagia jêng Y-Asaya.

Phung hađăch Đavit dơm phung mprơ

³¹ Aơ jêng phung bunuyh Y-Đavit dơm kan mprơ tâm ngih Brah Yêhôva, jêh bu tung Hip Nau Tâm Rnglăp gŭ ta nây.

³² Khân păng pah kan ma nau mprơ tanăp Ngih Bok tâm rƀŭn, kŏ tât tơlah hađăch Salômôn ndâk lôch jêh ngih Brah Yêhôva tâm ƀon Yêrusalem; khân păng pah kan tĭng nâm di tâm ndăch.

³³ Nây jêng phung pah kan nđâp ma phung kon sau khân păng: Tâm phung kon sau Y-Kôhat geh Y-Hêman jêng nơm mprơ, kon Y-Yôel, Y-Yôel kon Y-Samuel,

³⁴ Y-Samuel kon Y-Êlkana, Y-Êlkana kon Y-Jêrôham, Y-Jêrôham kon Y-Êliêl, Y-Êliêl kon Y-Tôa,

³⁵ Y-Tôa kon Y-Sup, Y-Sup kon Y-Êlkana, Y-Êlkana kon Y-Mahat, Y-Mahat kon Y-Amasai,

³⁶ Y-Amasai kon Y-Êkana, Y-Êlkana kon Y-Yôel, Y-Yôel kon Y-Asaria, Y-Asaria kon Y-Sêphania,

³⁷ Y-Sêphania kon Y-Tahat, Y-Tahat kon Y-Asir, Y-Asir kon Y-Êbiasap, Y-Êbiasap kon Y-Kôra,

³⁸ Y-Kôra kon Y-Ishar, Y-Ishar kon Y-Kôhat, Y-Kôhat kon Y-Lêvi, Y-Lêvi kon Y-Israel.

³⁹ Oh Y-Hêman jêng Y-Asap pah kan mpeh pa ma păng. Y-Asap kon Y-Bêrêkia, Y-Bêrêkia kon bu klâu Y-Simêa,

⁴⁰ Y-Simêa kon Y-Mikel, Y-Mikel kon Y-Baseya, Y-Baseya kon Y-Malkija,

⁴¹ Y-Malkija kon Y-Êtni, Y-Êtni kon Y-Sêera, Y-Sêra kon Y-Adaya,

⁴² Y-Adaya kon Y-Êthan, Y-Êthan kon Y-Sima, Y-Sima kon Y-Simei.

⁴³ Y-Simei kon Y-Jahat, Y-Jahat kon Y-Gersôm, Y-Gersôm kon Y-Lêvi.

⁴⁴ Phung kon sau Y-Mêrari, oh nâu khân păng, pah kan mpeh pa chiau da dê, nây jêng Y-Êthan kon Y-Kisi, Y-Kisi kon Y-Apdi, Y-Apdi kon Y-Maluk,

⁴⁵ Y-Maluk kon Y-Hasabia, Y-Hasabia kon Y-Amasia, Y-Amasia kon Y-Hilkia,

⁴⁶ Y-Hilkia kon Y-Amsi, Y-Amsi kon Y-Bani, Y-Bani kon Y-Sêmer,

⁴⁷ Y-Sêmer kon Y-Mahil, Y-Mahli kon Y-Musi, Y-Musi kon Y-Mêrari, Y-Mêrari kon Y-Lêvi.

⁴⁸ Phung oh nâu khân păng jêng phung Lêvi êng, bu dơm kan jêh ma lĕ rngôch kan ngih bok tâm Ngih Bok Brah Ndu.

⁴⁹ Y-Arôn jêh ri phung kon bu klâu păng nhhơr ndơ ƀư brah ta klơ nơng ƀư brah ma ndơ ƀư brah gŭch mâu lah ta klơ nơng ƀư brah gŭch ndơ ƀâu kah, ƀư ma lĕ rngôch kan tâm Ntŭk Dŭt Kloh Ueh, jêh ri ƀư tâm chuai nau tih ma phung Israel, tĭng nâm lĕ nau Y-Môis, oh mon Brah Ndu hŏ ntăm jêh.

Noi deh Arôn

⁵⁰ Aơ jêng noi deh Y-Arôn: Y-Êlêasar kon Y-Arôn, Y-Phinêas kon Y-Êlêasar, Y-Abisua kon Y-Phinêas,

⁵¹ Y-Buki kon Y-Abisua, Y-Usi kon Y-Buki, Y-Sêrahia kon Y-Usi,

⁵² Y-Mêraiôt kon Y-Sêrahia, Y-Amaria kon Y-Mêraiôt, Y-Ahitup kon Y-Amaria,

⁵³ Y-Sadôk kon Y-Ahitup, Y-Ahimas kon Y-Sadôk.

Nau gŭ ƀon phung Lêvi

⁵⁴ Aơ jêng ntŭk gŭ phung kon sau Y-Arôn, tĭng nâm ntŭk njơh tâm n'gor neh khân păng. Ndŭl mpôl Kôhat tâm nchroh lor lơn,

⁵⁵ Khân păng bu ăn ƀon Hêbron tâm n'gor Yuđa jêh ri lĕ ndrêch gơ̆ văr jŭm.

⁵⁶ Ƀiălah bu ăn mir jêh ri ƀon jê̆ văr jŭm ƀon ma Y-Kalep, kon bu klâu Y-Jêphunê.

⁵⁷ Bu ăn ma phung kon sau Y-Arôn lĕ ƀon du krap jêng ƀon Hêbron, ƀon Lipna, ndrel ma lĕ ndrêch gơ̆ văr jŭm; ƀon Jatir, ƀon Êstêmôa, ndrel ma lĕ ndrêch gơ̆ văr jŭm;

⁵⁸ ƀon Hilên, ndrel ma lĕ ndrêch gơ̆ văr jŭm; ƀon Dêbir, ndrel ma lĕ ndrêch gơ̆ văr jŭm;

⁵⁹ ƀon Asan, ndrel ma lĕ ndrêch gơ̆ văr jŭm; ƀon Bet-Sêmes, ndrel ma ndrêch gơ̆ văr jŭm.

⁶⁰ Ntơm bơh ndŭl mpôl Benjamin, bu ăn ma khân păng ƀon Gêba, ndrel ma lĕ ndrêch gơ̆ văr jŭm; ƀon Alêmet, ndrel ma lĕ ndrêch gơ̆ văr jŭm; ƀon Anathôt, ndrel ma ndrêch gơ̆ văr jŭm. Lĕ rngôch ƀon khân păng dơn jêh jêng jât ma pe rplay ƀon tĭng nâm ndŭl mpôl khân păng.

⁶¹ Ma phung kon sau Kôhat hôm e nchroh jêh ri dơn jât rplay ƀon tâm du n'gul ndŭl mpôl Manasê.

⁶² Ma phung kon sau Gersôm, tĭng nâm ăp ndŭl mpôl khân păng bu ăn jât ma pe rplay ƀon bơh phung ndŭl mpôl Isakar, Aser, Naptali, jêh ri phung Manasê tâm n'gor Basan.

⁶³ Ma phung kon sau Mêrari, tĭng nâm ăp ndŭl mpôl khân păng, nchroh n'hôr jêh ri dơn jât ma bar rplay ƀon bơh phung ndŭl mpôl Ruben, Gat, jêh ri Sabulôn.

⁶⁴ Phung ƀon lan Israel ăn ma phung Lêvi lĕ ƀon ndrel ma lĕ ndrêch gơ̆ văr jŭm.

⁶⁵ Khân păng nchroh n'hôr gay ăn ma phung Lêvi lĕ ƀon ntơm bơh n'gor neh phung ndŭl mpôl Yuđa, Simêôn, jêh ri Benjamin lĕ rngôch ƀon aơ bu rŏ amoh khân păng.

⁶⁶ Bar pe noi deh tâm phung Kôhat hŏ dơn jêh lĕ ƀon bơh tâm ndŭl mpôl Êphraim;

⁶⁷ Bu ăn ma khân păng lĕ ƀon du krap jêng ƀon Sichem ndrel ma lĕ ndrêch gơ̆ tâm n'gor klơ dor yôk Êphraim, ƀon Gêser ndrel ma lĕ ndrêch gơ̆ văr jŭm,

⁶⁸ ƀon Jôkmêam ndrel ma lĕ ndrêch gơ̆, ƀon Bet-Hôron ndrel ma lĕ ndrêch gơ̆ văr jŭm,

⁶⁹ ƀon Aijalon ndrel ma lĕ ndrêch gơ̆ văr jŭm, ƀon Gat-Rimôn ndrel ma lĕ ndrêch gơ̆ văr jŭm,

⁷⁰ jêh ri bơh du n'gul ndŭl mpôl Manasê, khân păng dơn ƀon Aner ndrel ma lĕ ndrêch gơ̆ văr jŭm, ƀon Bilêam ndrel ma lĕ ndrêch gơ̆ văr jŭm. Bu ăn lĕ ƀon nây ma phung ndŭl mpôl Kôhat hôm klen.

⁷¹ Bơh tâm phung ndŭl mpôl du n'gul ndŭl mpôl Manasê, phung kon sau Gersôm dơn ƀon Gôlan tâm n'gor Basan ndrel ma lĕ ndrêch gơ̆ văr jŭm, ƀon Astarôt ndrel ma ndrêch gơ̆ văr jŭm.

⁷² Bơh ndŭl mpôl Isakar, khân păng dơn ƀon Kêdês ndrel ma lĕ ndrêch gơ̆ văr jŭm, ƀon Dabêrat ndrel ma lĕ ndrêch gơ̆ văr jŭm,

⁷³ ƀon Ramôt ndrel ma lĕ ndrêch gơ̆ văr jŭm, ƀon Anem ndrel ma lĕ ndrêch gơ̆ văr jŭm.

⁷⁴ Bơh ndŭl mpôl Aser, khân păng dơn ƀon Masal ndrel ma lĕ ndrêch gơ̆, ƀon Apdôn ndrel ma lĕ ndrêch gơ̆ văr jŭm,

⁷⁵ ƀon Hukôk ndrel ma lĕ ndrêch gơ̆ văr jŭm, jêh ri ƀon Rêhôp ndrel ma lĕ ndrêch gơ̆ văr jŭm.

⁷⁶ Bơh ndŭl mpôl Naptali, khân păng dơn ƀon Kêdês tâm n'gor Galilê ndrel ma lĕ ndrêch gơ̆ văr jŭm, ƀon Hamôn ndrel ma lĕ ndrêch gơ̆ văr jŭm, jêh ri ƀon Kiriathaim ndrel ma ndrêch gơ̆ văr jŭm.

⁷⁷ Bơh mpôl phung Sabulôn, phung kon sau Mêrari hôm e klen bu ăn ma khân păng ƀon Rimônô ndrel ma lĕ ndrêch gơ̆ văr jŭm, ƀon Tabor ndrel ma lĕ ndrêch gơ̆ văr jŭm.

⁷⁸ Bơh ndŭl mpôl Ruben gŭ đah tê̆ dak krong Yurdan ta mpeh luh nar, panăp ƀon Yêrikô, khân păng dơn ƀon Bêser tâm bri rdah jêh ri lĕ ndrêch gơ̆, ƀon Jahsa ndrel ma lĕ ndrêch gơ̆ văr jŭm,

⁷⁹ ƀon Kêdêmôt ndrel ma lĕ ndrêch gơ̆ văr jŭm, ƀon Mêphat ndrel ma lĕ ndrêch gơ̆ văr jŭm.

⁸⁰ Bơh ndŭl mpôl Gat, khân păng dơn ƀon Ramôt tâm n'gor Gilêat ndrel ma ndrêch gơ̆ văr jŭm, ƀon Mahanaim ndrel ma ndrêch gơ̆ văr jŭm,

⁸¹ ƀon Hêsbôn ndrel ma ndrêch gơ̆ văr jŭm, jêh ri ƀon Jaser ndrel ma ndrêch gơ̆ văr jŭm.