I Nau Rêh Jêng 4 - Nau Brah Ndu Ngơi 2023

Noi Deh Y-Yuđa

¹ Phung kon bu klâu Y-Yuđa jêng: Y-Pêres, Y-Hêsron, Y-Karmi, Y-Hur jêh ri Y-Sôbal.

² Y-Rêaya, kon bu klâu Y-Sôbal, jêng mbơ̆ Y-Jahat; Y-Jahat jêng mbơ̆ Y-Ahumai jêh ri Y-Lahat. Nĕ jêng lĕ ndŭl mpôl phung Sôrat.

³ Aơ jêng phung kon Y-Êtam: Y-Jesrêel, Y-Isma jêh ri Y-Itbas; oh bu ur khân păng jêng H'Hasêlêlpôni.

⁴ Geh đŏng Y-Pênuel, jêng mbơ̆ Y-Gêdôr, jêh ri Y-Êser jêng mbơ̆ Y-Husa. Aơ jêng phung kon Y-Hur, kon bu klâu bôk rah Y-Êphrata, jêng mbơ̆ Y-Ƀêtlêhem.

⁵ Y-Asur, jêng mbơ̆ Y-Têkôa, geh bar hê ur jêng H'Hêla jêh ri H'Nara.

⁶ H'Nara deh ma Y-Ahusam, Y-Hêpher, Y-Têmêni, jêh ri Y-Hahastari. Nây jêng phung kon H'Nara.

⁷ Phung kon H'Hêla jêng Y-Sêret, Y-Ishar, Y-Êtnan,

⁸ Y-Kôs jêng mbơ̆ Y-Anup, Y-Hasôbêba, jêh ri phung mpôl Aharhel, kon Y-Harum.

⁹ Y-Jabes geh nau bu yơk lơn ma phung oh nâu păng; mê̆ păng ntơ amoh păng jêng Y-Jabes, yorlah pô aơ: “Gâp deh ma păng đah nau rêh ni.”

¹⁰ Y-Jabes kuăl mbơh sơm ma Brah Ndu Israel, lah pô aơ: “Ơ, dăn Kôranh Brah ăn nau ueh uĭn lăng âk ngăn ma kon, pơk an huy n'har bri gâp. Dăn ti Kôranh Brah sâm kơl gâp, king gâp bơh lĕ rngôch nau mhĭk, gay ma gâp klaih bơh nau rêh ni!” Brah Ndu ăn ma păng di ngăn nau păng mbơh sơm dăn jêh.

¹¹ Y-Kêlup, oh Y-Suah, jêng mbơ̆ Y-Mêhir, chô yau Y-Êstôn.

¹² Y-Êstôn jêng mbơ̆ Y-Bet-Rapa, Y-Pasêa, jêh ri Y-Têhina, chô yau phung ƀon lan Ir-Nahas. Nây jêng phung gŭ tâm ƀon Rêka.

¹³ Phung kon Y-Kênas jêng Y-Ôtniêl jêh ri Y-Sêraya. Phung kon bu klâu Y-Ôtniêl jêng Y-Hatat.

¹⁴ Y-Mêônôthai jêng mbơ̆ Y-Ôphra; Y-Sêraya jêng mbơ̆ Y-Jôap jêng nơm njêng Gê-Harasim, yorlah phung gŭ ta aơ jêng phung blau rhăk da dê.

¹⁵ Phung kon Y-Kalep, phung sau Y-Jêphunê, jêng: Y-Iru, Y-Êla, jêh ri Y-Naam, nđâp phung kon bu klâu Y-Êla jêh ri Y-Kênas.

¹⁶ Phung kon Y-Jêhalêlel jêng Y-Sip, Y-Sipa, Y-Tiria, jêh ri Y-Asarel.

¹⁷ Phung kon Y-Êsra jêng Y-Jêther, Y-Mêret, Y-Êpher, jêh ri Y-Jalôn. Ur Y-Mêret, deh ma H'Miriam, Y-Samai, jêh ri Y-Isba, nơm njêng ƀon Êstêmôa.

¹⁸ Ur êng păng jêng du huê Yuđa, deh ma Y-Jaret, jêng mbơ̆ Y-Gêdôr, Y-Hêber, jêng mbơ̆ Y-Sôkô, jêh ri Y-Jêkutiêl, jêng mbơ̆ Y-Sanôa. Nĕ jêng phung kon sau H'Bitia, kon bu ur hađăch Pharaôn, jêng ur ma Y-Mêret.

¹⁹ Phung kon ur Y-Hôdia, oh bu ur Y-Naham, jêng mbơ̆ Y-Keila bunuyh Garmi, jêh ri Y-Êstêmôa bunuyh Makatit.

²⁰ Phung kon Y-Simôn jêng Y-Amnôn, Y-Rina, Y-Ben-Hanan, jêh ri Y-Tilôn. Phung kon Y-Isi jêng Y-Sôhet jêh ri Y-Ben-Sôhet.

²¹ Noi deh Y-Sêla, du huê tâm phung kon bu klâu Y-Yuđa, jêng: Y-Er, nơm njêng Lêka; Y-Lada, nơm njêng Marêsa; jêh ri phung ndŭl mpôl Bet-Asbêa, jêng phung blau tanh bok mhay.

²² Y-Jôkim, phung ƀon Kôsêba, Y-Jôas, Y-Sarap jêng phung chiă uănh n'gor Môap, jêh ri Jashubi-Lehem. Nĕ jêng nau nchih jêh bơh rô̆ kăl e.

²³ Phung nây jêng phung blau mon glah gŭ ta ƀon Nêtaim jêh ri ƀon Gêdêra; khân păng gŭ ta nây gay pah kan ma hađăch.

Noi deh Y-Simêôn

²⁴ Phung kon Y-Simêôn jêng Y-Nêmuel, Y-Jamin, Y-Jarip, Y-Sêra, jêh ri Y-Sôl.

²⁵ Kon Y-Sôl jêng Y-Salum, kon Y-Salum jêng Y-Mipsam, kon Y-Mipsam jêng Y-Misma,

²⁶ kon Y-Misma jêng Y-Hamuel, kon Y-Hamuel jêng Y-Sakur, kon Y-Sakur jêng Y-Simei.

²⁷ Y-Simei geh jât ma prao nuyh kon bu klâu jêh ri prao nuyh kon bu ur, ƀiălah phung oh nâu păng mâu geh kon âk ôh; lĕ rngôch mpôl khân păng mâu âk tâm ban ma phung Yuđa.

²⁸ Khân păng gŭ tâm ƀon Bêr-Sêba, ƀon Môlada, ƀon Hasar-Sual,

²⁹ ƀon Bilha, ƀon Êsem, ƀon Tôlat,

³⁰ ƀon Bêthuel, ƀon Hôrma, ƀon Siklak,

³¹ ƀon Bet-Markabôt, ƀon Hasan-Susim, ƀon Bet-Biri, jêh ri ƀon Saraim. Nây jêng lĕ ƀon khân păng kŏ tât ma rnôk Y-Đavit.

³² Khân păng geh đŏng prăm ƀon jê̆ jêng: Êtam, Ain, Rimôn, Tôken, jêh ri Asan,

³³ ndrel ma lĕ nkual neh jŭm prăm ƀon jê̆ nây ma tât ƀon Baal. Nây jêng ntŭk khân păng gŭ jêh ri ndrom samƀŭt noi deh khân păng.

³⁴ Y-Mêsôbap, Y-Jamlek, Y-Jôsa, kon Y-Amasia;

³⁵ Y-Yôel jêh ri Y-Jêhu, kon Y-Yôsibia, sau Y-Sêraya, se Y-Asiêl;

³⁶ Y-Êliôênai, Y-Jakôba, Y-Jêsahaya, Y-Asaya, Y-Adiêl, Y-Jêsimiêl, Y-Bênaya,

³⁷ Y-Sisa, kon Y-Sipi, sau Y-Alôn, se Y-Jêdaya, săn Y-Simri, jêng kon bu klâu Y-Sêmaya.

³⁸ Lĕ rngôch phung nây bu nchih amoh khân păng ta klơ jêng phung kôranh tâm noi deh khân păng. Ndŭl deh khân păng hao bĭk ngăn.

³⁹ Khân păng nsong tât ta Gêdôr, tât ta mpeh luh nar ta rlŭng, gay joi ndrêch gơ̆ ma mpô mpa rong khân păng.

⁴⁰ Khân păng saơ ndrêch gơ̆ nse, neh mir huy ngăn, rngơt klăk jêh ri đăp mpăn; kăl e ri noi deh Cham gŭ rêh ta nây.

⁴¹ Tâm rnôk Y-Hêsêkia; hađăch Yuđa, phung nây bu nchih amoh kăl e, khân păng hăn lơh lĕ pôih tahan noi deh Cham jêh ri phung Mêunim gŭ ta nây, ƀư rai lĕ khân păng, pit sŏk n'gor nây, jêh ri gŭ ta n'gor nây tât ma nar aơ; yorlah ta nây geh ndrêch gơ̆ gay siăm ma mpô mpa rong khân păng.

⁴² Pakơi taơ, tâm noi deh Simêôn geh prăm rhiăng bunuyh hăn hao tât yôk Sêir; phung kôranh chiă uănh khân păng jêng Y-Pêlatia, Y-Nêaria, Y-Rêphaya, jêh ri Y-Usiêl, nây jêng phung kon bu klâu Y-Isi.

⁴³ Khân păng ƀư rai phung Amalek rklaih hôm e klen, jêh nây khân păng gŭ ta nây tât ma nar aơ.