I Nau Rêh Jêng 25 - Nau Brah Ndu Ngơi 2023

Tâm pă kan ma phung mprơ, phung kreh gong rêng tâm ngih brah

¹ Y-Đavit jêh ri phung kôranh pah kan tâm ngih brah rnglah êng đŏng phung ƀaƀă kon bu klâu Y-Asap, phung ƀaƀă kon bu klâu Y-Hêman, jêh ri phung ƀaƀă kon bu klâu Y-Jêduthun ma kan mra mbơh lor ndrel ma nau uh n'hôm kreh gong rêng, jêh ri rgu dang nteh. Amoh phung pah kan nây jêh ri kan khân păng pô aơ:

² Phung kon bu klâu Y-Asap geh: Y-Sakur, Y-Yôsep, Y-Nêthania, jêh ri Y-Asarêla. Phung kon bu klâu Y-Asap pah kan tâm dâng nau dơi păng leo, bi ma Y-Asap nơm nau mbơh lor tâm dâng nau dơi hađăch gai.

³ Tâm phung kon Y-Jêduthun geh Y-Gêdalia, Y-Sêri, Y-Êsai, Y-Hasabia, Y-Matithia, jêh ri Y-Simei; lĕ rngôch jêng prao nuyh pah kan tâm dâng nau dơi mbơ̆ khân păng jêng Y-Jêduthun, Y-Jêduthun nơm mbơh lor ndrel ma nau uh n'hôm ma nau tâm rnê jêh ri mât ton ma Brah Yêhôva.

⁴ Tâm phung kon Y-Hêman geh Y-Bukia, Y-Matania, Y-Usiêl, Y-Sêbuel, Y-Jêrimôt, Y-Hanania, Y-Hanani, Y-Êliathan, Y-Gidalti, Y-Rômamti-Êser, Y-Jôsbêkasa, Y-Malôthi, Y-Hôthir, jêh ri Y-Mahasiôt.

⁵ Lĕ rngôch phung aơ jêng phung kon Y-Hêman, nơm geh nau tâm saơ ma hađăch, tĭng nâm nau Brah Ndu ton gay yơk n'hao Păng. Brah Ndu ăn jêh ma Y-Hêman jât ma puăn nuyh kon bu klâu jêh ri pe nuyh kon bu ur.

⁶ Lĕ rngôch phung nây gŭ tâm dâng nau dơi mât uănh mbơ̆ khân păng gay ƀư kan mprơ tâm ngih Brah Yêhôva ma rgu dang nteh ăn huy, gong rêng jêh ri gong rêng loih, gay pah kan tâm ngih Brah Ndu. Y-Asap, Y-Jêduthun, jêh ri Y-Hêman gŭ tâm dâng nau dơi hađăch.

⁷ Khân păng ndrel ma phung ôh nâu khân păng bu hŏ sâm nti jêh tâm nau mât ton ma Brah Yêhôva, lĕ rngôch phung blau ma nau mprơ jêng bar rhiăng pham jât ma pham nuyh.

⁸ Khân păng ƀư nau tâm nchroh yor kan khân păng, nơm jê̆ tâm ban ma nơm toyh, nơm gĭt vât tâm ban ma nơm kâp nti.

⁹ Tâm nchroh tal nguay di ma Y-Yôsep tâm noi deh Y-Asap; tơ̆ bar di ma Y-Gêdalia, ndrel ma phung oh nâu jêh ri phung kon păng, lĕ rngôch jêng jât ma bar nuyh;

¹⁰ tơ̆ pe di ma Y-Sakur, ndrel ma phung kon jêh ri phung oh nâu păng, lĕ rngôch jêng jât ma bar nuyh;

¹¹ tơ̆ puăn di ma Y-Iri, ndrel ma phung kon jêh ri phung oh nâu păng, lĕ rngôch jêng jât ma bar nuyh;

¹² tơ̆ prăm di ma Y-Nêthania, ndrel ma phung kon jêh ri phung oh nâu păng, lĕ rngôch jêng jât ma bar nuyh;

¹³ tơ̆ prao di ma Y-Bukia, ndrel ma phung kon jêh ri phung oh nâu păng, lĕ rngôch jêng jât ma bar nuyh;

¹⁴ tơ̆ pơh di ma Y-Jêsarêla, ndrel ma phung kon jêh ri phung oh nâu păng, lĕ rngôch jêng jât ma bar nuyh;

¹⁵ tơ̆ pham di ma Y-Êsai, ndrel ma phung kon jêh ri phung oh nâu păng, lĕ rngôch jêng jât ma bar nuyh;

¹⁶ tơ̆ sĭn di ma Y-Matania, ndrel ma phung kon jêh ri phung oh nâu păng, lĕ rngôch jêng jât ma bar nuyh;

¹⁷ tơ̆ jât di ma Y-Simei, ndrel ma phung kon jêh ri phung oh nâu păng, lĕ rngôch jêng jât ma bar nuyh;

¹⁸ tơ̆ jât ma nguay di ma Y-Asarel, phung kon jêh ri phung oh nâu păng, lĕ rngôch jêng jât ma bar nuyh;

¹⁹ tơ̆ jât ma bar di ma Y-Hasabia, ndrel ma phung kon jêh ri phung oh nâu păng, lĕ rngôch jêng jât ma bar nuyh;

²⁰ tơ̆ jât ma pe di ma Y-Subaêl, ndrel ma phung kon jêh ri phung oh nâu păng, lĕ rngôch jêng jât ma bar nuyh;

²¹ tơ̆ jât ma puăn di ma Y-Matithia, phung kon jêh ri phung oh nâu păng, lĕ rngôch jêng jât ma bar nuyh;

²² tơ̆ jât ma prăm di ma Y-Jêrêmôt, ndrel ma phung kon jêh ri phung oh nâu păng, lĕ rngôch jêng jât ma bar nuyh;

²³ tơ̆ jât ma prao di ma Y-Hanania, phung kon jêh ri phung oh nâu păng lĕ rngôch jêng jât ma bar nuyh;

²⁴ tơ̆ jât ma pơh di ma Y-Jôsbêkasa, phung kon jêh ri phung oh nâu păng, lĕ rngôch jêng jât ma bar nuyh;

²⁵ tơ̆ jât ma pham di ma Y-Hanani, ndrel ma phung kon jêh ri phung oh nâu păng, lĕ rngôch jêng jât ma bar nuyh;

²⁶ tơ̆ jât ma sĭn di ma Y-Malôthi, ndrel ma phung kon jêh ri phung oh nâu păng, lĕ rngôch jêng jât ma bar nuyh;

²⁷ tơ̆ bar jât di ma Y-Êliatha, ndrel ma phung kon bu klâu jêh ri phung oh nâu păng, lĕ rngôch jêng jât ma bar nuyh;

²⁸ tơ̆ bar jât ma nguay di ma Y-Hôthir, phung kon jêh ri phung oh nâu păng, lĕ rngôch jêng jât ma bar nuyh;

²⁹ tơ̆ bar jât ma bar di ma Y-Gidalti, phung kon jêh ri phung oh nâu păng, lĕ rngôch jêng jât ma bar nuyh;

³⁰ tơ̆ bar jât ma pe di ma Y-Mahasiôt, ndrel ma phung kon jêh ri phung oh nâu păng, lĕ rngôch jêng jât ma bar nuyh;

³¹ tơ̆ bar jât ma puăn di ma Y-Rômamti-Êser, ndrel ma phung kon jêh ri phung oh nâu păng, lĕ rngôch jêng jât ma bar nuyh.