I Nau Rêh Jêng 24 - Nau Brah Ndu Ngơi 2023

Pă kan ma phung kon sau Y-Arôn

¹ Tâm phung kon sau Y-Arôn bu pă jêng âk mbŭch. Phung kon bu klâu Y-Arôn jêng Y-Nadap, Y-Abihu, Y-Êlêasar, jêh ri Y-Ithamar.

² Y-Nadap jêh ri Y-Abihu khĭt lor ma mbơ̆ khân păng jêh ri mâu geh ôh kon, pôri Y-Êlêasar jêh ri Y-Ithamar jêng phung kôranh ndơ ƀư brah.

³ Y-Đavit ndrel ma Y-Sadôk, jêng noi deh Y-Êlêasar, jêh ri Y-Ahimêlek, jêng noi deh Y-Ithamar, tâm pă phung kon sau Y-Arôn jêng âk mbŭch tĭng nâm kan khân păng pah.

⁴ Yorlah tâm phung kon sau Y-Êlêasar geh âk lơn phung kôranh tâm noi deh ma đah phung kon sau Y-Ithamar, pôri khân păng tâm pă nâm bu pô aơ: Phung kon sau Y-Êlêasar geh jât ma prao nuyh phung kôranh tâm noi deh, jêh ri phung kon sau Y-Ithamar geh pham nuyh kôranh tâm noi deh.

⁵ Khân păng dơi tâm pă ma nau nchroh n'hôr tĭng mbŭch, ntơm bơh mbŭch nây tât ma mbŭch ri; yorlah phung kôranh ma ntŭk kloh ueh jêh ri phung kôranh ma kan Brah Ndu tâm phung kon sau Y-Êlêasar jêh ri phung kon sau Y-Ithamar.

⁶ Kôranh nchih samƀŭt Y-Sêmaya, kon Y-Nêthanel, tâm ndŭl mpôl Lêvi, nchih amoh khân păng tâm samƀŭt tanăp hađăch jêh ri phung kôranh chiă uănh, tanăp phung kôranh ƀư brah Y-Sadôk, Y-Ahimêlek kon Y-Abiathar, jêh ri tanăp phung kôranh tâm noi deh ma phung kôranh ƀư brah jêh ri phung Lêvi. Bu nchroh n'hôr du noi deh tâm phung kon sau Y-Êlêasar jêh nây tât ma noi deh tâm phung kon sau Y-Ithamar.

⁷ Tâm nchroh ntơm saơm di ma Y-Jêhôyarip, tơ̆ bar di ma Y-Jêdaya,

⁸ tơ̆ pe di ma Y-Harim, tơ̆ puăn di ma Y-Sêôrim,

⁹ tơ̆ prăm di ma Y-Malkija, tơ̆ prao di ma Y-Mijamin,

¹⁰ tơ̆ pơh di ma Y-Hakôs, tơ̆ pham di ma Y-Abija,

¹¹ tơ̆ sĭn di ma Y-Jêsua, tơ̆ jât di ma Y-Sêkania,

¹² tơ̆ jât ma nguay di ma Y-Êliasip, tơ̆ jât ma bar di ma Y-Jakim,

¹³ tơ̆ jât ma pe di ma Y-Hupa, tơ̆ jât ma puăn di ma Y-Jêsêbêap,

¹⁴ tơ̆ jât ma prăm di ma Y-Bilga, tơ̆ jât ma prao di ma Y-Imer,

¹⁵ tơ̆ jât ma pơh di ma Y-Hêsir, tơ̆ jât ma pham di ma Y-Hapisês,

¹⁶ tơ̆ jât ma sĭn di ma Y-Pêthahia, tơ̆ bar jât di ma Y-Êsêkiêl,

¹⁷ tơ̆ bar jât ma nguay di ma Y-Jakin, tơ̆ bar jât ma bar di ma Y-Gamul,

¹⁸ tơ̆ bar jât ma pe di ma Y-Dêlaya, tơ̆ bar jât ma puăn di ma Y-Masia.

¹⁹ Aơ jêng lĕ mbŭch khân păng gay lăp pah kan tâm ngih Brah Yêhôva tĭng nâm nau vay nal Y-Arôn, chô yau khân păng, ntĭnh jêh ma khân păng, di tĭng nâm Yêhôva Brah Ndu Israel ntĭnh jêh ma păng.

Pă kan ma phung kon sau hôm e bơh Y-Lêvi

²⁰ Phung kon sau hôm e bơh Y-Lêvi geh: Tâm phung kon sau Y-Amram geh Y-Subaêl; tâm phung kon sau Y-Sabaêl geh Y-Jêhdêa;

²¹ tâm phung kon sau Y-Rêhabia geh Y-Isiya jêng kôranh;

²² tâm phung kon sau Ishar geh Y-Sêlômôt; tâm phung kon sau Y-Sêlômôt geh Y-Jahat;

²³ tâm phung kon sau Hêbron geh Y-Jêria jêng kôranh, Y-Amaria nơm rơh bar, Y-Jahasiêl nơm rơh pe, jêh ri Y-Jêkamêam nơm rơh puăn;

²⁴ tâm phung kon sau Y-Usiêl geh Y-Maka; tâm phung kon sau Y-Mika geh Y-Samir.

²⁵ Oh Y-Mika jêng Y-Isiya; tâm phung kon sau Y-Isiya geh Y-Sakari.

²⁶ Phung kon Y-Mêrari jêng Y-Mahli, Y-Musi jêh ri Y-Jasia.

²⁷ Y-Jasia, kon Y-Mêrari, geh pe bunuyh kon jêng Y-Sôham, Y-Sakur jêh ri Y-Ibri.

²⁸ Kon Y-Mahli jêng Y-Êlêasar, jêng nơm mâu geh kon bu klâu ôh.

²⁹ Tâm phung kon sau Y-Kis geh Y-Jêrahmel.

³⁰ Phung kon Y-Musi jêng Y-Mahli, Y-Êder, jêh ri Y-Jêrimôt. Nây jêng phung kon sau Y-Lêvi, tĭng nâm noi deh khân păng.

³¹ Tâm ban đŏng phung oh nâu khân păng, jêng phung kon sau Y-Arôn, khân păng nchroh n'hôr tanăp hađăch Đavit, Y-Sadôk, Y-Ahimêlek, jêh ri tanăp phung kôranh tâm noi deh phung kôranh ƀư brah jêh ri phung Lêvi. Kôranh tâm noi deh tâm ban đŏng oh mpô̆t khân păng dơi nchroh n'hôr da dê.