Êsther 10 - Nau Brah Ndu Ngơi 2023

Nau tâm rnê ma Y-Môrdêkai

¹ Hađăch Asuêrus nchâp phung ƀon lan tâm n'gor jêh ri lĕ gôl dak mƀŭt chê̆ pi.

² Lĕ rngôch kan nau dơi, nau ktang hađăch jêh ri nau hađăch n'hao jêh ma Y-Môrdêkai, mâu di hĕ lĕ rngôch nau n'hao nây bu nchih da dê tâm ndrom samƀŭt nau rêh jêng hađăch ma phung hađăch bri Mêdơ jêh ri Persi?

³ Y-Môrdêkai, phung Yuđa, ƀư kôranh toyh mrô nguay tâm dâng hađăch Asuêrus, jêh ri păng jêng toyh ta nklang phung Yuđa, jêh ri phung âk tâm phung oh nâu păng rŏng ma păng, yorlah păng joi nau ueh ma phung ƀon lan păng jêh ri ngơi nau đăp mpăn ma lĕ rngôch phung ƀon lan păng.