Êsra 10 - Nau Brah Ndu Ngơi 2023

Phung ƀon lan plĕch rgâl nau mĭn, mbơh nau tih

¹ Tâm nôk Y-Êsra mbơh sơm, nhĭm n'ho mbơh nau tih jêh ri chon mon panăp ngih Brah Ndu, geh du phung ƀon lan Israel, nđâp phung bu ur jêh ri bu klâu jêh ri phung kon se jê̆ tâm rƀŭn du ntŭk gŭ jŭm păng, tâm ban đŏng nhĭm rngot da dê.

² Y-Sêkania, kon bu klâu Y-Jêhiêl, sau Y-Êlam, lah ma Y-Êsra: “Hên hŏ ƀư tih đah Brah Ndu hên jêh ri tâm nsông đah phung bu ur bu năch jêng phung ntil mpôl bunuyh gŭ tâm n'gor. Nđâp lah pônây, ăt hôm e nau kâp gân ma phung Israel.

³ Pôri aƀaơ, he tâm rnglăp hom đah Brah Ndu he, mprơh lơi lĕ rngôch phung bu ur nây jêh ri phung kon sau khân păng, tĭng nâm nau nchră bơh kôranh gâp jêh ri bơh phung geh nuih n'hâm klach yơk nau vay ntăm bơh Brah Ndu he. He ƀư hom lĕ nau nây tĭng nau vay Kôranh Brah nti.

⁴ Ƀư hom, yorlah kan aơ jêng kan may, jêh ri hên mra kâp kơl may; ăn may janh nănh nuih jêh ri ƀư hom nau aơ!”

⁵ Y-Êsra dâk, lah ma phung kôranh ƀư brah toyh, phung Lêvi, jêh ri lĕ rngôch phung Israel sơm ton pô aơ khân păng mra ƀư tĭng nâm nau hŏ lah jêh. Khân păng ton sơm ro.

⁶ Tơlah hăn luh tă bơh ngih Brah Ndu, Y-Êsra hăn lăp tâm jrô Y-Jêhôhanan, kon bu klâu Y-Êliasip. Păng lăp ta nây mâu sa piăng let jêh ri mâu đŏng nhêt dak lĕ, yorlah păng nhĭm nhhiăng yor ma nau tih mâu geh gŭ ueh răp jăp bơh phung tă bơh nau ƀư bu nă plơ̆ sĭt.

⁷ Bu hăn mbơh lam n'gor Yuđa jêh ri Yêrusalem, kuăl lĕ rngôch phung tă bơh nau ƀư bu nă plơ̆ sĭt gay ma tâm rƀŭn ta Yêrusalem.

⁸ Tâm pe nar, tơlah mbu mâu văch ôh tĭng nâm nau ntrŭnh bơh phung kôranh jêh ri phung bu ranh ntăm; bu mra sŏk drăp ndơ păng, jêh ri păng nơm bu nsot lơi bơh tâm phung âk ndrel ma phung bu nă mhe plơ̆ sĭt tâm n'gor.

⁹ Tâm pe nar, phung Yuđa jêh ri phung Benjamin tâm rƀŭn tay ta ƀon Yêrusalem tâm nar bar jât, khay sĭn. Lĕ rngôch phung ƀon lan gŭ ta ntŭk nkual toyh panăp ngih Brah Ndu, klach râm sâr ma nau nây jêh ri yor mih toyh ngăn.

¹⁰ Kôranh ƀư brah Y-Êsra dâk, jêh ri lah: “Khân may hŏ ƀư tih jêh, sŏk ur bu năch jêh ri ƀư ma nau tih phung Israel ntop âk.

¹¹ Pôri aƀaơ, mbơh hom nau tih khân may ma Yêhôva Brah Ndu chô yau khân may, jêh ri ƀư tĭng nâm nau mĭn ŭch Păng: Tâm nkhah hom khân may nơm bơh lĕ ntil mpôl bunuyh gŭ tâm n'gor jêh ri bơh phung ur bu năch.”

¹² Lĕ rngôch phung tâm rƀŭn plơ̆ lah ma bâr huy: “Di ngăn, ăn hên ƀư tĭng nâm nau may lah jêh.

¹³ Ƀiălah phung ƀon lan âk ngăn jêh ri tâm yan mih toyh pôri hên mâu dơi ôh gŭ srâng padih. Rlau lơn ma nĕ, nau aơ mâu dơi dăp nkra knŏng bar pe nar, yorlah âk bunuyh tâm hên hŏ ƀư tih nau aơ.

¹⁴ Pônây, dăn ma phung kôranh chiă uănh hên dâk ta nây tâm tang ma lĕ rngôch phung tâm rƀŭn. Lĕ rngôch phung hŏ nsông jêh ur bu năch tâm lĕ rngôch ƀon, hăn tât ndrel ma phung bu ranh jêh ri phung kôranh phat dôih bơh ăp rplay ƀon khăn păng nơm tĭng năng nar tâm nal, gay dăp nkra kan aơ kŏ tât nau ji nuih bơh Brah Ndu he aih jêh.”

¹⁵ Knŏng êng Y-Jônathan, kon bu klâu Y-Asahel, jêh ri Y-Jahseya, kon bu klâu Y-Tikva, tâm rdâng đah nau ntrŭnh aơ, hôm Y-Mêsulam ndrel ma Y-Sabêthai, phung Lêvi, kơl an khân păng.

¹⁶ Pôri, phung bunuyh tă geh bu nă plơ̆ sĭt jêh ƀư tĭng nâm nau hŏ dăp jêh. Bu săch Y-Êsra, kôranh ƀư brah, jêh ri phung kôranh noi deh tĭng nâm ăp noi deh khân păng, jêh ri bu kuăl tĭng nâm amoh khân păng. Ta nar năng nguay khay jât, khân păng gŭ sek uănh ăp nau kan aơ.

¹⁷ Tât nar năng nguay khay nguay, khân păng hŏ lôch jêh nau sek uănh phung bunuyh hŏ nsông jêh phung ur bu năch.

¹⁸ Tâm noi phung kôranh ƀư brah ăt geh phung hŏ nsông jêh ur bu năch. Tâm noi deh Y-Jêsua, kon Y-Jôsadak, jêh ri tâm phung oh mâu păng geh Y-Maseya, Y-Êliêser, Y-Jarip jêh ri Y-Gêdalia.

¹⁹ Khân păng ton mprơh lơi ur bu năch jêh ri nhhơr du mlâm biăp nkuăng ƀư ndơ ƀư brah chuai nau ƀư tih khân păng nơm.

²⁰ Tâm noi deh Y-Imer geh Y-Hanani jêh ri Y-Sêbadia.

²¹ Tâm noi deh Y-Harim geh Y-Maseya, Y-Êlija, Y-Sêmaya, Y-Jêhiêl, jêh ri Y-Usia.

²² Tâm noi deh Y-Pashur geh Y-Êliôênai, Y-Maseya, Y-Ismaêl, Y-Nêthanel, Y-Jôsaƀat, jêh ri Y-Êlêasa.

²³ Tâm noi deh Lêvi geh Y-Jôsaƀat, Y-Simei, Y-Kêlaya (đŏng rnha jêng Y-Kêlita), Y-Pêthahia, Y-Yuđa, jêh ri Y-Êliêser.

²⁴ Tâm noi deh phung kâp mprơ geh Y-Êliasip; tâm noi deh phung gak njrăng mpông pêr geh Y-Salum, Y-Têlem, jêh ri Y-Uri.

²⁵ Tâm phung Israel: Tâm noi deh Y-Parôs geh Y-Ramia, Y-Isia, Y-Malkija, Y-Mijamin, Y-Êlêasar, Y-Malkija, jêh ri Y-Bênaya.

²⁶ Tâm noi deh Y-Êlam geh Y-Matania, Y-Sakari, Y-Jêhiêl, Y-Apdi, Y-Jêrêmôt, jêh ri Y-Êlija.

²⁷ Tâm noi deh Y-Satu geh Y-Êliôênai, Y-Êliasip, Y-Matania, Y-Jêrêmôt, Y-Saƀat, jêh ri Y-Asisa.

²⁸ Tâm noi deh Y-Bêbai geh Y-Jêhôhanan, Y-Hanania, Y-Sabai, jêh ri Y-Atlai.

²⁹ Tâm noi deh Y-Bani geh Y-Mêsulam, Y-Maluk, Y-Adaja, Y-Jasup, Y-Sêanh, jêh ri Y-Ramôt.

³⁰ Tâm noi deh Y-Pahat-Môap geh Y-Atna, Y-Kêlal, Y-Bênaya, Y-Maseya, Y-Matania, Y-Bêsalel, Y-Binui, jêh ri Y-Manasê.

³¹ Tâm noi deh Y-Harim geh Y-Êliêser, Y-Isiya, Y-Malkija, Y-Sêmaya, Y-Simêôn,

³² Y-Benjamin, Y-Maluk, jêh ri Y-Sêmaria.

³³ Tâm noi deh Y-Hasum geh Y-Matênai, Y-Matatha, Y-Saƀat, Y-Êliphêlet, Y-Jêrêmai, Y-Manasê, jêh ri Y-Simei.

³⁴ Tâm noi deh Y-Bani geh Y-Maadai, Y-Amram, Y-Uêl,

³⁵ Y-Bênaya, Y-Bêdeya, Y-Kêluhi,

³⁶ Y-Vania, Y-Mêrêmôt, Y-Êliasip,

³⁷ Y-Matania, Y-Matênai, Y-Jaasu,

³⁸ Y-Bani, Y-Binui, Y-Simei,

³⁹ Y-Sêlêmia, Y-Nathan, Y-Adaja,

⁴⁰ Y-Maknadêbai, Y-Sasai, Y-Sarai,

⁴¹ Y-Asarel, Y-Sêlêmia, Y-Sêmaria,

⁴² Y-Salum, Y-Amaria, jêh ri Y-Yôsep.

⁴³ Tâm noi deh Y-Nêbô geh Y-Jêiêl, Y-Matithia, Y-Saƀat, Y-Sêbina, Y-Jadai, Y-Yôel, jêh ri Y-Bênaya.

⁴⁴ Lĕ rngôch phung nây gŭ ur sai bu ur bu năch, jêh ri khân păng chalơi ur hŏ deh kon jêh.