Êsai 12 - Nau Brah Ndu Ngơi 2023

Nau mprơ tâm rnê lah ueh jêh ri tâm rnê Brah Ndu

¹ Tâm nar nây, may mra lah pô aơ: “Ơ Brah Yêhôva, gâp mra tâm rnê lah ueh ma May, Nđâp tơlah May hŏ ji nuih jêh ma gâp, Ƀiălah nau May ji nuih lĕ bah jêh, Jêh ri May lŏ bonh leng jêh gâp.

² Aơ, Brah Ndu jêng nau tâm rklaih gâp; Gâp mra rnơm nsing jêh ri mâu klach ôh. Yorlah Brah Yêhôva, Brah Yêhôva nơm, jêng nau ktang gâp jêh ri nau mprơ gâp. Păng hŏ jêng jêh nau tâm rklaih gâp.”

³ Yor ri, khân may mra răm maak bâk dak bơh ntu dak nau tâm rklaih.

⁴ Tâm nar nây, khân may mra lah pô aơ: “Tâm rnê lah ueh hom ma Brah Yêhôva, Kuăl mbơh sơm ma amoh Păng; Ăn phung ndŭl mpôl bunuyh gĭt lĕ kan Păng ƀư; Nkah hom ăn khân păng kah gĭt amoh Păng geh nau yơk.

⁵ Mprơ tâm rnê hom ma Brah Yêhôva, yorlah Păng ƀư jêh lĕ nau kan chrêk rmah; Ăn lĕ rngôch neh ntu gĭt rah vah nau aơ!

⁶ Ơ phung gŭ tâm ƀon Siôn, troh nter hom jêh ri nter huy tâm rnê! Yorlah Nơm dôl gŭ ta nklang jêng dŭt toyh, Jêng Nơm Kloh Ueh Israel!”