1 VAKORINTO 8 - Chasu New Testament 1967

Vwasi vwa matasi a Vakiisanga

¹ He mburi ya vintu vyetasiwe mirungu; twemanyije iti uswi vose tuna icha. Icha liete kukubaa, mira lukundo lujenga.

² Mntu ekiti emanyije kintu, tenacho anamanya neri, sa vuntu chemtara kumanya.

³ Mira mntu ekimkunda Mrungu uo emanyike heye.

⁴ He mburi ya kula vila vyetasiwe mirungu, twemanyije iti mirungu si kintu he ii si, kangi iti tehena Mrungu ungi esire mmwe du.

⁵ Ambu, nziaho hena veitangwa mirungu, kana uko wanga, kana he ii si, sa vuntu hena mirungu mijinki na vafumwa vajinki;

⁶ mira hetu uswi Mrungu ni mmwe, eye Vava, eye vintu vyose vyefumie hakwe na uswi tuikaa hakwe; hena na Mfumwa mmwe, Yesu Kristo, eye hakwe vintu vyose vyeokie, na uswi ture vakwe uo.

Kukurinda vuntu vwa vala vena ngoro jeshokere

⁷ Mira uko kumanya tekuho he vantu vose; esire va kumwe kila vemanyere mirungu, hata iki, verala sa iti ni kintu chetasiwe mirungu; na izii lavo uko he ngoro, kila eisoka vejirajwa.

⁸ Mira kijo tekitufisha mozya he Mrungu; ambu twekisala tetuduishijwa kintu, neri twekila tetuongejijwa kintu.

⁹ Mira rerehishani uko kuidima kwenyu kusirevakuvaja vala e vasoka.

¹⁰ Ambu mntu ekikuvona we wemanyije, weikae si he chala ndeni ya nyumba ya mirungu, hama idunganyo la uo mntu kwa kuti ni msoka telikamwidimije hata ye akala vila vyetasie miringu?

¹¹ Aho ula e msoka eteshwa ni kumanya kwako, naye ni mndughu Kristo emfwiie.

¹² Huvo mwekivabania vandughu venyu na kugera vionda he madunganyo avo e masoka, mum’bania Kristo.

¹³ Heicho kakicha kijo kimkuvaja mndughu wangu, cha idi sikale nyama narini, nesa nisiremkuvaja mndughu wangu.