1 VAKORINTO 13 - Chasu New Testament 1967

Lukundo nilwo kiinkwa kibaha kukela vyose

¹ Na nikateteta na mitetire yya vantu na ya malaika, kakicha sina lukundo, naoka kighera cheia na mmanga weghona.

² Na nikateketa vuroti na kumanya mpiso jose, na kucha kwose, hata nekiketa mwitikijo wekoloke kiringanyo cha kusamija ntuvi, kakicha sina lukundo, mi si kintu.

³ Hata nekighavia vakiva mari yangu yose, na kuinkija mwiri wangu iti ushotwe, kakicha sina lukundo, sina cho nenevona.

⁴ Lukundo lugumirija, luketa chedi, lukundo teluna lwiso; lukundo telukukweja; telukubaa;

⁵ telusova shima; teluenda vila e vyalwo; telekweja oro; telutara vivivi;

⁶ twluizihirwa ni vila vya kusu, mira luizihirwa ni vya idi;

⁷ lugumirija vyose; luitikija vyose; luvika ikuji he vyose, lurimia vyose.

⁸ Lukondo teluduikiwa ni kintu narini; kakicha hena vuroti vunekondika; kakicha hena vitetire vijinki vinesia; kakicha hena macha, enevushwa.

⁹ Ambu tumanya vya kumwe; na kurota vya kumwe;

¹⁰ mira kila chekoloke chekiza, kila chesikoloke kinevushwa.

¹¹ Hala ne mwana, nekiteta kivwana, na kuririkana kivwana, na kuchwa mburi kivwana, nekinaoke mntu mzima nashigha vila vya kivwana.

¹² Ambu igheri la iki tuvona mfwanano sa he kiyoo; igheri ilo tunevona vusho kwa vusho; iki nemanyije vya kumwe; igheri ilo ninemanya nezo sa vuntu nami nemanyijwe nezo.

¹³ Iki cheneikaa aho ni mwitikijo, ikuji, na lukundo, ivi vitatu; na kibaha he ivyo ni lukundo.