Yishima 10 - Mukanda Wa Zambi 1970

Yishima ya mwanangana Solomone

¹ Yino yili yishima ya mwanangana Solomone: Mwana mukwa mana kakuwahilisa tato; mwana chihepuke kakuvwisa naye chinyengo.

² Ubite uze muutambula ku uhenge, kuushi kukuyukisa nichimwe, alioze ululi muuhasa kulamwina mwono we.

³ Mwene Zambi keshi kutayiza akwa ululi kufwa zala, alioze kakukinda yingulungulu yuma yize akuzanga.

⁴ Kubwa mukwa ngwaza muchikukokela uswale, alioze kusa tachi ha kulinga milimo muchikupwisa pichi.

⁵ Mutu yoze wakukunga mbuto yenyi ha mwaka wa kuhela, kali mukwa mana; alioze yoze wakuya tulo ha mwaka wa kuhela mbuto, kakulikokela sonyi.

⁶ Mukwa ululi makayuka yiwape. Maliji a chingulungulu kaakusweka upupilo.

⁷ Kwiwuluka mukwa ululi kuwaha cho, alioze jina lia chingulungulu mulikatoka.

⁸ Yikanyame kaakutayiza mana abema. Alioze yingulungulu, akwa kulimbambwila, maalimbuka.

⁹ Akwa kutuwika mu mbunge maabwa ni uhwimino, maajikiza, alioze yihenge maakakwachika mu uhenge wo.

¹⁰ Yoze wakusweka umwenemwene kakukoka Vunda, alioze yoze wakukanyamisa pundu, kakuneha uhwimino.

¹¹ Maliji ja mukwa ululi kaali ngwe shima lia meya a mwono, alioze maliji ja chingulungulu kaakusweka upupilo.

¹² Kole yakukoka Vunda, zango kuliakufuka milonga.

¹³ Akwa mana kaakuhanjika ni malinjekela, alioze yihepuke chatamba kwalamba.

¹⁴ Akwa mana kaakusweka yinyingi mu mbunge, alioze maliji ja yihepuke kaakukoka Vunda.

¹⁵ Ubite wakufunga pichi alioze uswale wakushiha yiswale.

¹⁶ Kufumbula cha yitanga yibema chili mwono, alioze uvulumwino wakukoka uvulumwino ukwo.

¹⁷ Atu waze akubanjika muze akwo akuhanjika, maabwa ni mwono, alioze waze keeshi kutayiza yibi yo kaakubwa mu utoji.

¹⁸ Mutu yoze wakusweka kuvutwokela chenyi, kali mukwa mahuza. Yoze wakulamikiza atu akwo, kali chihepuke.

¹⁹ Mu maliji anji kumushi kuhona kapalia, alioze mukwa mana kakufunga kanwa lienyi.

²⁰ Maliji ja mutu mubema kaali ngwe prata yibema, manyonga ja yingulungulu kaali amokomoko.

²¹ Maliji ja mutu mubema maawahisa atu anji, alioze muuhasa kulishiha ni uhepuke.

²² Kuwahisa cha Zambi chakubichisa; kechi kuweza ho Vunda.

²³ Chihepuke kakwivwa chiseke muze akulinga yibi, akwa mana kaakuwahilila muze akulinga ni mana.

²⁴ Akwa ululi kaakutambula chize akuzanga, alioze yingulungulu kaakumona chize akuvwila woma.

²⁵ Yijimbi kuyakwiza, ni yingulungulu kaakuhehuka, alioze akwa kutuwika ku mbunge kaali mu uhwimino.

²⁶ Chize chabwa vinagre ku mazo ni mwishi mu meso, Chenacho nawa che abwa akwa ngwaza kuli waze akwatuma.

²⁷ Ononokena Mwene Zambi, mba muubwa ni mwono usuku. Yingulungulu kaakufwa muze matangwa jo kanda achizuka.

²⁸ Akwa ululi kaakusa mbunge kuli Mwene Zambi, kashika akuwahilila, alioze yingulungulu keeshi ni yoze akusa mbunge.

²⁹ Mwene Zambi kakufumba akwa kutuwika mu mbunge, alioze kakushiha yivulumunyi.

³⁰ Akwa ululi maabwa ni uhwimino matangwa eswe, alioze yingulungulu keechi kanyongonona mu che chifuchi.

³¹ Akwa ululi kaakuhanjika ni mana, alioze kanwa lia yoze wakuhanjika maliji abi kumakalibakika.

³² Akwa ululi kaakunyingika maliji a utu waze chaatamba kwamba, alioze yingulungulu kaakuhanjika yuma yize yakuhana chinyengo kuli atu.