Ubutukilo 5 - Mukanda Wa Zambi 1970

Vungu lia Samutu

¹ Wano e majina ja vungu lia Samutu. (Muze Zambi atangile atu, yaatanga ni kulifwa nenyi.

² Yaatanga lunga ni pwo, yaawahisa, yaaluka ngwenyi, Atu.)

³ Muze Samutu habwa ni miaka 130, yasema mwana wa lunga yoze te alifwa nenyi, yamuluka ngwenyi, Sete.

⁴ Samutu yatwama miaka yikwo 800, yasema nawa ana a malunga ni a mapwo.

⁵ Mba muze habwa ni miaka 930 yafwa kwenyi.

⁶ Muze Sete habwa ni miaka 105 yasema mwana wa lunga, Enoshe.

⁷ Sete yatwama miaka yikwo 807, yasema nawa ana a malunga ni a mapwo.

⁸ Mba muze habwa ni miaka 912, yafwa kwenyi.

⁹ Muze Enoshe habwa ni miaka 90, yasema mwana wa lunga Kenane.

¹⁰ Enoshe yatwama miaka yikwo 815, yasema nawa ana a malunga ni a mapwo.

¹¹ Mba muze habwa ni miaka 905, yafwa kwenyi.

¹² Muze Kenane habwa ni miaka 70, yasema mwana wa lunga, Mahalale.

¹³ Kenane yatwama miaka yikwo 840, yasema nawa ana a malunga ni a mapwo.

¹⁴ Mba muze habwa ni miaka 910, yafwa kwenyi.

¹⁵ Mba muze Mahalale habwa ni miaka 65, yasema mwana wa lunga, Jarede.

¹⁶ Mahalale yatwama miaka yikwo 830, yasema nawa ana a malunga ni a mapwo.

¹⁷ Mba muze habwa ni miaka 895, yafwa kwenyi.

¹⁸ Muze Jarede habwa ni miaka 162, yasema mwana wa lunga, Enoke.

¹⁹ Jarede yatwama miaka yikwo 800, yasema nawa ana a malunga ni a mapwo.

²⁰ Mba muze habwa ni miaka 962, yafwa kwenyi.

²¹ Muze Enoke habwa ni miaka 65, yasema mwana wa lunga Matusela.

²² Enoke te kakuliendela ni Zambi. Yatwama ni mwono miaka yikwo 300, yasema nawa ana a malunga ni a mapwo,

²³ ndoo ni muze abwile ni miaka 365.

²⁴ Enoke, ha matangwa eswe a mwono wenyi te kakulivwa ni Zambi. Mba limwe tangwa Zambi yamuchiza hashi, atu hikaamumwene ko nawa.

²⁵ Muze Matusela habwa ni miaka 187, yasema mwana wa lunga, Lameke.

²⁶ Matusela yatwama ni mwono miaka yikwo 782, yasema nawa ana a malunga ni a mapwo.

²⁷ Mba muze habwa ni miaka 969, yafwa kwenyi.

²⁸ Muze Lameke habwa ni miaka 182, yasema mwana wa lunga.

²⁹ Yamba ngwenyi: “Mwana yono makatuchiza lamba ku milimo yize twakuhondangana hano hashi haze ashingile Mwene Zambi.” Kashika yamuluka jina ngwenyi, Noa.

³⁰ Lameke yatwama miaka yikwo 595, yasema nawa ana a malunga ni a mapwo.

³¹ Mba muze habwa ni miaka 777, yafwa kwenyi.

³² Muze te Noa habwa ni miaka 500, yasema ana atatu: Sheme, ni Hame, ni Jafete.