Nehemia 7 - Mukanda Wa Zambi 1970

¹ Muze chipanga cha mawe hichahwa ni hitwasa yajilo yeswe, yitukunjika tufunga twa zuwo lia Zambi ni mbunga ya njimba ni Alevi ku milimo yo.

² Yingusa malunga aali ayule limbo lia Yerusaleme: mwanakwetu Hanani ni Hanania, mwata wa tujita a lie limbo, te mukwa ululi, kakuvwila Zambi woma kuhiana atu akwo.

³ Yingwalweza ngwami: Kanda nwazulula yajilo ya mu Yerusaleme shimbu tangwa kanda lichituhuka; ha kutoka cha tangwa nukasa yajilo chikolo muze tufunga kanda achikotoka ku milimo. Tongolenu tufunga mukachi ka atu waze atwama mu Yerusaleme, amwe afunge yihela yeka ni yeka, akwo afunge hatalanganyi ni mazuwo jo.

Majina ja waze atuhukile mu undungo

⁴ Limbo lia Yerusaleme te linene, alioze atu jamo te akehe. Te kanda achitunga mazuwo anji.

⁵ Mba Zambi yangwaha manyonga akukungulula miata, ni makulwana, ni atu akwo asoneke akwa majiko jo. Yinguwana mukanda wa majina jo waze atuhukile hatangu mu undungo, yaasoneka mo chino.

⁶ Anji waze abwile mu undungo yaakatuka mu chifuchi cha Babilonia, kuze aatwalile kuli mwanangana Nebukanezore, yaahiluka ku limbo lia Yerusaleme ni ku chifuchi cha Yuda, mutu mweswe ku limbo lienyi.

⁷ Wano e miata jo: Zerubabele, ni Yoshua, ni Nehemia, ni Azaria, ni Ramia, ni Nahamani, ni Mordekai, ni Bilshane, ni Misperete, ni Bigvai, ni Behume, ni Bana.

^8-25 Kwoka cha Aisraele a ku jimo ni jimo waze ahilukile: Paroshe - 2,172 Shefatia - 372 Ara - 652 Pahate Moabe (vungu lia Yeshuani Joabe) - 2,818 Elame - 1,254 Zatu - 845 Zakai - 760 Binwi - 648 Bebai - 628 Azgade - 2,322 Adonikame - 667 Bigvai - 2,067 Adine - 655 Atere (jina likwo Hezekia) - 98 Hashume - 328 Bezai - 324 Harife - 112 Gibeone - 95

Jimo Atu

^26-38 Kwoka cha waze ahilukile mu membo wano: Betleheme ni Netofa - 188 Anatote - 128 Bete Azmavete - 42 Kiriate Jearime, ni Kefira, ni Berote - 743 Rama ni Geba - 621 Mikmashe - 122 Betele ni Ayi - 123 Nebo mukwo - 52 Elame mukwo - 1,254 Harime - 320 Yeriku - 345 Lode ni Hadide ni Ono - 721 Sena - 3,930

Limbo Atu

^39-42 Kwoka cha mahako waze ahilukile: Jiko Mahako Jedaya (vungu lia Yeshua) - 973 Imere - 1,052 Pashure - 1,247 Harime - 1,017

^43-45 Majimo ja Alevi waze ahilukile: Yeshua ni Kadmiele (vungu lia Hodavia) - 74 Njimba a mu zuwo lia Zambi (vungu lia Asafe) - 148 Tufunga a ku zuwo lia Zambi (vungu lia Shalume ni Atere, ni Talmone, ni Akube, ni Hatita, ni Shobai) - 138

^46-56 Majimo ja akwa milimo a mu zuwo lia Zambi waze ahilukile: Ziha, ni Hasufa, ni Tabaote, Kerose, ni Sia, ni Padone, Lebana, ni Hagaba, ni Shalmai, Hanane, ni Gidele, ni Gahare, Reaya, ni Rezine, ni Nedoka, Gazame, ni Uza, ni Pasea, Besai, ni Meunime, ni Nefushesime, Bakbuke, ni Hakufa, ni Harhure, Bezlite, ni Mehida, ni Harsha, Barkose, ni Sisera, ni Tema, Nezia, ni Hatifa.

^57-59 Majimo a tuvumbi twa Solomone waze ahilukile: Sotai, ni Soferete, ni Perida, Jala, ni Darkone, ni Gidele, Shefatia, ni Hatile, ni Pokerete, ni Hazebaime, ni Amone.

⁶⁰ Kwoka cha waze atuhukile mu undungo te akulinga milimo mu zuwo lia Zambi ni tuvumbi twa Solomone 392.

^61-62 Kwabwile atu 642 a ku majimo ja Delaya, ni Tobia, ni Nedoka waze akatukile ku membo ja Tele Mela, ni Tele Harsha, ni Kerube, ni Adone, ni Imere; alioze kaahashile ko kwaasa chinyingi nyi kaali Aisraele.

^63-64 Majina ja majimo ja mahako wano kaamonekene ko: Hobaya, ni Hakoze, ni Barzilai. (Mwe kashakulu ka mahako wa jimo lia Barzilai yambata pwo wa ku jimo lia Barzilai wa ku Gileade, yamuluka jino lia Ukwe wenyi.) Kaahashile ko kwaasa chinyingi cha mavungu jo, kashika kaatayijile ko kubwa mahako.

⁶⁵ Mukwa kuyula wa Ayuda yaalweza ngwenyi: “Kanda nulia yakulia yize haalambula kuli Zambi shina ndoo muze hikwabwa umwe hako yoze malinga ni Urime ni Tumime.”

^66-69 Kwoka cha atu eswe waze atuhukile mu undongo - 42,360 Tuvumbi two a malunga ni a mapwo - 7,337 Njimba a malunga ni a mapwo — 245 Tuvwalu - 736 Mula - 245 Tumelu - 435 Yimbulu 6,720.

^70-72 Atu anji ahanyine milambu ya kutungulula nayo zuwo lia Zambi: Mukwa kuyula: oru kilo 8 mbashila - 50 mahina ja mahako 530 Miata ja majimo: oru kilo 168 prata kilo 1,250 Atu akwo: oru kilo 168 prata kilo 140 mahina ja mahako 67.

⁷³ Mahako, ni Alevi, ni tufunga twa zuwo lia Zambi, ni njimba, ni akwa milimo a ku zuwo lia Zambi, ni atu akwo anji, eswe yaatunga mu membo ni mu yihunda ya Yuda.