Miaso (Masamu) 97 - Mukanda Wa Zambi 1970

Zambi kali Mwanangana wa mianangana

¹ Mwene Zambi kali Mwanangana! Yena hashi likwize! Yenu mahongo wahililenu!

² Malelwa ni milima yakumujingilika, Mwene Zambi kakuyula ni umwenemwene ni ululi.

³ Kahia kakulekwoka kulutwe lienyi, kakwocha akwa kole jenyi waze anamujingilika.

⁴ Mihenyo yenyi kuyakutemwisa hashi; atu kaakuyimona ni kaakuchikima.

⁵ Milundu kuyakusangunuka ngwe Sela ku meso ja Mwene Zambi ku meso ja Mwene Zambi wa heshi heswe.

⁶ Lilu linambujola ululi wenyi; mavungu eswe kaakumona uhenya wenyi.

⁷ Atu eswe waze akuwayila mahamba kaakwivwa sonyi; mazambi eswe kaakufukama ku meso ja Mwene Zambi.

⁸ Aa Mwene Zambi, akwa Zione ni akwa membo eswe ja Yuda kaakuwahilila, mumu ha ubatwilo we.

⁹ Mwene Zambi, Mukwa Ndundo Jeswe, yena wakuyula hashi heswe; unahiana mazambi eswe.

¹⁰ Mwene Zambi kakuzanga waze akuvutwokela yibi; kakufunga mwono wa atu jenyi; kakwalamwina ku moko ja yingulungulu.

¹¹ Pangu kuliakupangulwisa akwa ululi; no kaakuwahilila.

¹² Yenu akwa ululi eswe wahililenu mumu ha chize Mwene Zambi halinga! Iwulukenu chize Mwene Zambi munangi halinga, musakwililenu.