Miaso (Masamu) 91 - Mukanda Wa Zambi 1970

Zambi kakutufunga

¹ Mweswawo wakuya kuli Mwene Zambi, Mukwa Ndundo Jeswe, hanga amufunge,

² mahasa kwamba ngwenyi: “Yena uli chiswamo chami, wakungufunga. Yena uli Zambi yami, nakushachila hali yena.”

³ Chamwenemwene, iye makufunga ku makambwila eswe ja atu ni ku misongo yeswe ya kufwa.

⁴ Makusa mu mapulwa jenyi, makufunga kanawa; umwenemwene wenyi muubwa lukebwe we.

⁵ Kuuchi kwivwa woma wa utoji ha ufuku, chibwe wa mivwi ha mwalwa.

⁶ Chibwe wa misongo yize yakwenda mu milima, chibwe ya yibi yize yakushiha atu ha mwalwa.

⁷ Atu maahasa kufwa ku sali lie, hano kanunu, haze tununu kumi, alioze yena muubwa kanawa.

⁸ Yena muutala lume ni meso, mba mumona chize Zambi mamwesa yingulungulu lamba.

⁹ Mwene Zambi, Mukwa Mwilu Mwahiana kali kafunga ke.

¹⁰ Kashika yibi kuyichi kukuwana, lamba kulichi kuheta ku zuwo lie.

¹¹ Zambi malweza tunganda twenyi a mwilu akufunge mu majila je eswe.

¹² Maakuzundula ha moko jo, hanga kuuchi kahukana ku liwe.

¹³ Muuliataliata hali tambwe ni hali tupela, chibwe waze asasu kuhiana.

¹⁴ Zambi ngwenyi: “Mungulamwina waze akunguzanga, mungufunga waze angunyingika ngwo, nguli Mwene wo.

¹⁵ Muze maangutambika mungwataa; muze maamona lamba, mungubwa hamwe no. Mungwachiza mu lamba lio, mungwalemesa.

¹⁶ Mungwakundulula ni mwono wa matangwa anji; mungwalamwina.”