Miaso (Masamu) 87 - Mukanda Wa Zambi 1970

Uhenya wa Yerusaleme

¹ Mwene Zambi yatunga limbo lienyi ha mulundu wa chijila;

² kakuzanga Yerusaleme kuhiana homa heswe hakwo mu Israele.

³ Yena limbo lia Zambi, banjika yuma ya kukomwesa yize anambe Mwene Zambi hakutwala kuli yena.

⁴ Kanambe ngwenyi: “Mungukavuluka akwa Egiptu ni Ababilonia, mukachi ka akwa yifuchi waze akungwononokena; mungukalula Afilistia ni Atiru, ni Asudane mukachi ka akwa Yerusaleme.”

⁵ Hakutwala ku limbo lia Zione kumaamba ngwo: “Akwa mavungu eswe maakabwa akwa limbo lize, Zambi, Mukwa Ndundo Jeswe, makaatakamisa.”

⁶ Mwene Zambi kumakasoneka majina jo mu mukanda, eswe maakabwa akwa Yerusaleme.

⁷ Maakahangana ni kwimba ngwo: “Aa limbo lia Zione, yena uli chishina cha yiwape yetu yeswe.”