Miaso (Masamu) 82 - Mukanda Wa Zambi 1970

Zambi kali Mwene wa eswe

¹ Zambi kakuyula akwa kuyula a mwilu; mu mbunga ya mazambi kanalweze ubatwilo wenyi ngwenyi:

² “Tangwa lika munulitwamina kubatula ni uhenge, ni kulemesa yingulungulu?

³ Hakwilenu yiswale ni ana a shiwa, batulenu ni ululi milonga ya akwa lamba ni akwa kufulwana.

⁴ Alamwinenu mu moko ja yingulungulu!

⁵ “Nuli yihepuke, kunushi mana! Nuli mu milima, hashi kuheshi nawa umwenemwene.

⁶ Nanulwezele ngwami, ‘Nuli mazambi, yenu eswe nuli ana ja Zambi Mwilu Mwahiana.’

⁷ Alioze munukafwa ngwe akwa hashi; mwono wenu muukahwa ngwe mwono wa yilolo eswe.”

⁸ Aa Zambi, tweya uyule hashi, mavungu a hashi heswe kaali nie.