Miaso (Masamu) 8 - Mukanda Wa Zambi 1970

Uhenya wa Zambi ni ulemu wa mutu

¹ Aa Mwene Zambi, Mwene wetu, ulemu we hiunamoneka hashi heswe! Kuchichimieka cha atu hichinahete ndoo mwilu.

² Twanuke ni ana waze maachamwa kaakukwimbila. Akwa kole je kaahashile kukulingila nichimwe, wakukanjisa yoze wakulimika ni yena.

³ Muze nakutala lilu lize watangile, ni kakweji ni matongonoshi, yize wasele muma liayo,

⁴ nakunyonga ngwami, mutu kali iya mba umunyongene, mwana mutu kali iya mba umufunge?

⁵ Mumu hiunamupwisa kushi lia tunganda twa mwilu shimbu lipeke wika, hiunamwehe uhenya ni ulemu Wahiana.

⁶ Hiunamuzeyesa yuma yeswe kushi lia molu jenyi, hiunamwehe chiyulo hanga afunge yino yeswe:

⁷ mapanga ni ngombe, ni tushitu a mu yambu,

⁸ ni tujila, ni yishi ni tushitu akwo waze atwama mu meya.

⁹ Aa Mwene Zambi, Zambi yetu ulemu we hiunamoneka hashi heswe!