Miaso (Masamu) 70 - Mukanda Wa Zambi 1970Kulemba: “Mwene Zambi ngukwase kama” (Tala nawa Mia 40:13-17 ) 1 Aa Zambi, ngulamwine kama! Mwene Zambi, ngukwase kama haliabwila! 2 Atu waze anafupu kungushiha, evwe sonyi, achingashane. Atu waze akuwahilila mumu ha lamba liami, ahiluke kunyima, evwe sonyi! 3 Atu waze akunguchoka, alekumuke, akwa kole jo aakumbe kama. 4 Eswe waze akukuwayila, awahilile, alikwize. Eswe waze akuwahilila mumu wakwalamwina, ambe matangwa eswe ngwo: “Mwene Zambi afumane!” 5 Aa Zambi, nguli mulelu kanda chiswale Tweya kama nikawashi! Aa Mwene Zambi, yena uli chilamwina chami, tambuka ungukwase kama! |
The Bible in Chokwe © Bible Society of the Democratic Republic of Congo and Bible Society of Zambia, 1970, 1991.
Bible Society of Zambia