Miaso (Masamu) 64 - Mukanda Wa Zambi 1970

Kulemba: “Mwene Zambi ngufunge kama”

¹ Zambi, banjika kama kulemba chami, nguli mu lamba! Ngulamwine kama, woma ngunevu kuli akwa kole jami!

² Ngufunge kama kuli yingulungulu waze akungutwama punga, ku mbunga ya atu abi.

³ Kaakuhela malimi jo ngwe mikwale ya jita, maliji jo a uswii kaali ngwe mivwi,

⁴ Kaakujikinyina akwa ululi ni kwaasa; kaakwaasa susumuku woma ka.

⁵ Kaakulitwama punga ene alilinge yibi, kaakunyonga ngwo, kulihi maatela miheto, kaakulihula ngwo: “Iya machimona?”

⁶ Kaakunyonga manyonga abi, kaakwamba ngwo: “Tuli ni manyonga a mana lume.” Mbunge ni manyonga ja atu yili yikalu kunyingika.

⁷ Alioze Zambi kaakwatela mivwi yenyi, susumuku haalemeka.

⁸ Makoonona mumu ha maliji jo abi, eswe waze maamona kumaahunga mitwe yo.

⁹ No meevwa woma, maanyonga yize Zambi halinga, maambujola yitanga yenyi.

¹⁰ Akwa ululi eswe maawahilila mumu ha chize Mwene Zambi halinga, kumaaswama muli iye; akwa ululi eswe kumaamuchichimieka.