Miaso (Masamu) 61 - Mukanda Wa Zambi 1970

Kulemba: “Mwene Zambi ngufunge kama”

¹ Aa Zambi, ivwa kama kuteta chami, ivwa kama kulemba chami!

² Nguli kusuku ni chifuchi chami, hijanguhwa, ngunakulembe. Ngutwale kama ku limwe liwe linene lia kuswama ni uhwimino.

³ Mumu yena uli chiswamo chami kanda zuwo liami lisuku lia kukoleka lia kungufunga kuli akwa kole jami.

⁴ Ngutwame kama mu zuwo lie matangwa eswe a mwono wami, nguswame kama mu mapulwa je.

⁵ Aa Zambi, hiunevu chize nalakenyene, hiwangwaha chifuchi cha atu waze akukuvwila woma.

⁶ Weza miaka yinji ku mwono wa mwanangana; miaka yenyi yibwe ngwe yisemuko yinji, alinduluke.

⁷ Aa Zambi, ayule kama ku meso je ndoo ku miaka yeswe; mufunge kanawa ni umwenemwene we, ni zango lie lize kulishi kuhwa.

⁸ Mungwimba ni kukuchichimieka matangwa eswe; lieswe tangwa nakumanununa yilakenyo yami.