Miaso (Masamu) 6 - Mukanda Wa Zambi 1970

Kulemba: “Mwene Zambi ngukwase kama ha tangwa lia lamba”

¹ Mwene Zambi, kanda ungubajila mu utenu we! Kanda ungumwesa lamba muze Unevu ufwatulo!

² Mwene Zambi, nguvwile kama keke, mumu nguli mulelu; ngutakamise mumu ngunalekumuka.

³ Mbunge yami yinachikima kuhiana, Aa Mwene Zambi, mba mwiji muka muungukwasa?

⁴ Mwene Zambi, hiluka, ungupulule kama, ngulamwine ku kufwa mumu wakunguzanga.

⁵ Muma lia afu atu keeshi kukwiwuluka nawa. Iya makuchichimieka mo nawa?

⁶ Hijanguhwa ni kutwa mikuma; ufuku weswe muhela wami wakuula ni masoji; yikanga yami yaakuula pioto ni masoji.

⁷ Hichishi kumona kanawa, Meso jami haajimba mumu nakulila chinji mumu hali akwa kole jami!

⁸ Ngukatukenu yenu yingulungulu! Mwene Zambi hevwa kulila chami.

⁹ Kakubanjika ku kuliumba chami, makumbulula ku kulemba chami.

¹⁰ Akwa kole jami eswe evwe kama sonyi, alekumuke; Mwene Zambi ahume kama.