Miaso (Masamu) 53 - Mukanda Wa Zambi 1970

Ungulungulu wa atu

¹ Yihepuke kaakwamba ngwo: “Zambi keshiko.” Eswe haanabiha, eswe haanalingi yibi yahiana, wakuhi yoze wakulinga yibema.

² Zambi mwilu kakutala akwa hashi, amone nyi kuhali amwe akwa mana, waze akumuwayila.

³ Alioze eswe haanapianguka, eswe kaali abi. Wakuhi niumwe wakulinga yibema, chibwe umuwika ka.

⁴ Zambi kanambe ngwenyi: “Yivulumunyi wano, kuma keeshi kunyingika nichimwe, nyi? Milimo yo shina kwiya yuma ya atu jami; keeshi kunguwayila nichimwe.”

⁵ Alioze kumaakevwa mwongo kuhiana, uze kanda achivwa kama nilimwe tangwa, mumu Zambi kumakamwanga yifwaha ya akwa kole ja atu jenyi Zambi halitunoo, kashika Aisraele maakumba liakulu.

⁶ Muchibwa chibema nyi ulamwino wa Aisraele muukakatuka mu Zione. Muze Zambi makawahisa atu jenyi, vungu lia Yakoba maakawahilila, atu ja Israele maakevwa chiseke.