Miaso (Masamu) 43 - Mukanda Wa Zambi 1970

Kulemba cha ndungo mu chifuchi cha mbala

¹ Aa Zambi, ngusambise kama, nguhakwile kama ku meso ja yitanganyanyi, ngupulule kama ku moko ja yilembekese ni a yivulumunyi.

² Yena uli chiswamo chami; kuchi mba hiwangwehuka? Mumu yika nakumwena lamba, ha uswii wa akwa kole jami?

³ Tuma kama pangu lie ni umwenemwene we, hanga yingutwale, yinguhilwise ku Zione, ku mulundu we wa chijila, ni mu zuwo lie muze watwama.

⁴ Aa Zambi, mba munguheta ku chilumbilo che; yena wakunguwahilisa. Mungwimba kalialia kami ni kukuchichimieka, Aa Zambi, Zambi yami!

⁵ Kuchi mba ngunevu chinyengo chocho? Mumu yika ngunalibikala chichize? Mungusa mbunge yami kuli Zambi; munguchichimieka nawa chilamwina chami kanda Zambi yami.