Miaso (Masamu) 4 - Mukanda Wa Zambi 1970

Kulemba cha chingoloshi: “Mwene Zambi ngukwase kama”

¹ Aa Zambi, hako yami, ngukumbulule kama muze ngunalembe! Muze nabwile mu lamba, wangukwashile. Nguvwile kama keke, wivwe kama kulemba chami.

² Yenu atu, ndoo mwiji muka munukecha kungushililika? Ndoo mwiji muka munukecha yuma yamokomoko ni ya mahuza?

³ Alioze nyingikenu ngwenu, Mwene Zambi hanangutongola kubwa lume niwenyi, kakungubanjika muze nakulemba kuli iye.

⁴ Ivwenu woma, litwaminenu kuvulumuna; bukunenu yuma yino muze nunalihulika ha mihela yenu.

⁵ Lambulenu Mwene Zambi milambu ya ululi, mufulielenu.

⁶ Atu anji akwamba ngwo: “Iya matuwahisa kama?” Aa Mwene Zambi, tutemwine kama Pangu lia meso je!

⁷ Kuwaha chize wakunguvwisa, chinahiana cha waze akwete mbuto, ni vinyu yinji.

⁸ Mungubomba munguya tulo mu uhwimino, Mumu yena Mwene Zambi wika wakungufunga.