Miaso (Masamu) 26 - Mukanda Wa Zambi 1970

Kulemba cha mukwa ululi

¹ Aa Mwene Zambi, ngusambise kama, mumu chishi chitela, nakushachila hali yena.

² Mwene Zambi, ngweseke kama, utale mbunge yami.

³ Wakungusongwela ni zango lie lize kulishi kuhwa, wakungutwala ni kushishika che matangwa eswe.

⁴ Chichi kuliendela ni akwa kalimbalimba, chichi kulivwa ni yilembese.

⁵ Nakuvutwokela atu abi, Chishi kulikata ni yingulungulu.

⁶ Mwene Zambi, ngunasane ku moko ngukulweze ngwami, nguli mukwa kusamba. Ngunajingi chilumbilo che ni kuwayila.

⁷ Ngunembi mwaso wa uhaliso, ngunambulula yikomokeso yeswe yize walingile.

⁸ Mwene Zambi nakuzanga ubeme wa zuwo lie, homa haze hakusolokela uhenya we.

⁹ Kanda ungwonona hamwe ni yingulungulu; kanda ungumwesa lamba hamwe ni yitanganyanyi,

¹⁰ atu waze akulingalinga yibi, waze akulia mbongo ja mbenga matangwa eswe.

¹¹ Alioze yami, nakulinga kanawa; nguvwile kama keke, ungulamwine!

¹² Nguli kwami mu uhwimino, nakuchichimieka Mwene Zambi mu Chikungulwila cha atu jenyi.