Miaso (Masamu) 15 - Mukanda Wa Zambi 1970

Chize Zambi akuzanga

¹ Mwene Zambi iya manjila mu zuwo lie? Iya mawayila ha Zione, mulundu we wa chijila?

² Yoze wakwononokena Zambi mu yuma yeswe, yoze wakulinga yibema matangwa eswe, yoze wakuhanjika umwenemwene ni mbunge yimuwika.

³ Yoze keshi kulamikiza akwo, yoze keshi kulinga masepa jenyi yibi, yoze keshi kushililika enyembo jenyi,

⁴ yoze wakulelesa waze Zambi halituna alioze kakulemesa waze akuvwila Zambi woma, yoze wakulinga matangwa eswe yize akulakenya chibwe amone lamba,

⁵ yoze keshi kuhana mbongo jenyi ni kutambula mbwezo, yoze keshi kutambula mbongo ja mbenga. Yoze malinga yuma yino, mabwa mu uhwimino matangwa eswe.