Miaso (Masamu) 143 - Mukanda Wa Zambi 1970

Kulemba: “Mwene Zambi ngukwase kama”

¹ Mwene Zambi, banjika kama kulemba chami, mu ululi we ivwa kama kuliumba chami; mu umwenemwene we ngukumbulule!

² Kanda ungubatwila kama, yami kavumbi ke; ku meso je kukushi mukwa ululi niumwe.

³ Mukwa kole yami kananguhungumiona, hangukumba liakulu. Hangusa mu zuwo lia lamba lia milima, nguli ngwe mutu yoze hafwa kulu.

⁴ Hinalekumuka, hijanguhwa.

⁵ Ngunewuluka miaka ya kunyima, ngunanyongo ha yeswe yize walingile ngunayiwuluka yeswe.

⁶ Ngunazundula moko jami ni kulemba ngunakuvwila usona ngwe chize mavu omu akwivwa usona wa meya.

⁷ Mwene Zambi, ngukumbulule kama haliabwila! Hinalezumuka. Kanda unguswamina kama; nyi ka, mungubwa ngwe waze haanayi muma lia afu.

⁸ Ha chichamene cheswe ngwiwuluke zango lie lize kulishi kuhwa mumu nakushachila hali yena, ungulweze kama jila yize Changutamba kuya.

⁹ Mwene Zambi, ngulamwine kama ku moko ja akwa kole jami, nakuchinyina kuli yena hanga ungufunge.

¹⁰ Yena uli Zambi yami, ngulongese kama kulinga chize unazange. Mwiku we wa Linanga ungusongwele kanawa.

¹¹ Mwene Zambi, ngulamwine ngwe chize walakenyene; mu utu we ngulamwine kama mu lamba liami.

¹² Mumu ha zango lie kuli yami, shiha kama akwa kole jami, onona kama eswe waze akunguhungumiona, mumu yami nguli kavumbi ke.