Miaso (Masamu) 142 - Mukanda Wa Zambi 1970

Kulemba: “Mwene Zambi ngukwase kama”

¹ Ngunatete kuli Mwene Zambi angukwase, ngunamulembejeka.

² Ngunamulweze yinyengo yami yeswe, ni kumusolwela lamba liami lieswe.

³ Muze nakulezumuka, kakunyingika chize Changutamba kulinga. Akwa kole haangutela muheto mu jila yize nakubalika.

⁴ Muze ngunatale ku chindume chami, Chishi kumona niumwe yoze mangukwasa, niumwe mangufunga wakuhi, niumwe unangunyongena kama wakuhi.

⁵ Mwene Zambi, ngunatete kuli yena ungukwase; yena uli kafunga kami, yena lume nakuzanga.

⁶ Banjika kama kulila chami ungukwase, mumu hijanguhwa. Ngulamwine kama kuli akwa kole jami, haanguhiana tachi.

⁷ Ngulamwine kama ku lamba liami; mba ngufumanyise jina lie, mu Chikungulwila cha atu je, mumu hiwangulweza utu.