Miaso (Masamu) 137 - Mukanda Wa Zambi 1970

Lungungu: Aisraele mu chifuchi cha undungo wo

¹ Ku njiji ja Babilone, yitutwama nikulila muze te twakushinginyeka Zione.

² Yituzezeleka tulialia twetu ku mitondo ku mbumbulu ya lwiji.

³ Atu waze atukwachile mu undungo, ha kwawahilisa yaatwamba ngwo: “Twimbilenu umwe mwaso wa ku Zione!”

⁴ Ngwe kuchi mutuhasa kwimbila Mwene Zambi mwaso mu chifuchi cha tundaka?

⁵ Nyi hinavulama yena Yerusaleme, chinalite nguvulame nawa kwimba kalialia!

⁶ Nyi chakwiwulukile, chanyongene ngwami, yena uli uwahililo wami Wahiana, chinalite limi liami lilamate lume ku kanwa liami.

⁷ Mwene Zambi, iwuluka kama chize alingile Aedome, muze akwa kole jetu akumbile Yerusaleme. Iwuluka chize te akwamba ngwo: “Libuzulenu! Libuzulenu! Libuzulenu ni lie fundamentu yalio!”

⁸ Yena Babilone kumakakwenyeka. Kawaha mutu yoze makakufweta mumu ha chize watulingile yetu;

⁹ kawaha yoze manda ana je a kemba, ni kwabubabuba ku mawe.