Miaso (Masamu) 130 - Mukanda Wa Zambi 1970

Kulemba: “Mwene Zambi ngukwase kama”

¹ Mwene Zambi, mu lamba liami heswe ngunakutambika.

² Aa Mwene Zambi, banjika kama kuteta chami, banjika kama kuliumba chami, ungukwase!

³ Mwene Zambi, nyi ngwe yena walwile milonga yetu, aa Mwene kachi te iya masamba kama?

⁴ Alioze wakutukonekena milonga yetu, hanga tukulemese.

⁵ Nakushimbwila chikolo Mwene Zambi angukwase kama, nakusa mbunge ku maliji jenyi.

⁶ Nakushimbwila Mwene Zambi, ngwe chize tufunga akushimbwila kuvumbuka cha tangwa, yami ngunamushimbwila kuhiana ayo.

⁷ Aisraele, Senu mbunge kuli Mwene Zambi, mumu zango lienyi kulishi kuhwa nichimwe, matangwa eswe kanalulika kutulamwina.

⁸ Iye makalamwina atu jenyi Aisraele ku milonga yo yeswe.