Miaso (Masamu) 13 - Mukanda Wa Zambi 1970

Kulemba: “Mwene Zambi ngukwase kama”

¹ Mwene Zambi, muukanguvulama ndoo ku miaka yeswe, nyi? Mwiji muka muukalisolola kuli yami?

² Mwiji muka kubinda cha manyonga wano muchinguhwa? Mwiji muka lamba lino lia tangwa ha tangwa mulisula kama? Mukwa kole yami mangukumba matangwa eswe, nyi?

³ Aa Mwene Zambi, Zambi yami, ngutale kama, ngukumbulule. Ngutakamise kama, kanda utayiza ngufwe.

⁴ Nyi ka, akwa kole jami maamba ngwo: “Aa, hitwamukumba!” Kanda awahilila muze mungukokoloka.

⁵ Nakushachila ha zango lie lize kulishi kuhwa; munguwahilila, mumu yena muungulamwina.

⁶ Aa Mwene Zambi, mungukwimbila, mumu ha yiwape ye.